మమ్ముట్టి అలాంటి పని చేశాడా?

నిజమే.. ముమ్మట్టి లాంటి హీరో ఇలా చేశాడా?అని ఆశ్చర్యపోతున్నోళ్లు ఉన్నారు. తాజాగా ఆయన నటించిన ఒక చిత్రంలోని సన్నివేశం అభ్యంతరకరంగా మారటమే కాదు వివాదాస్పదంగా మారింది. రంజాన్ సందర్భంగా విడుదలైన ‘కసాబా’ చిత్రంలో మహిళల్ని అగౌరవ పరిచే కొన్ని డైలాగులు.. సన్నివేశాలు ఉన్నాయంటూ మహిళా సంఘాలు మండిపడుతున్నాయి.

మహిళా పోలీసు అధికారిని ఉద్దేశించి చెప్పిన డైలాగులు అభ్యంతరకరంగా ఉంటమే కాదు.. మహిళల్ని నొప్పించేలా ఉన్నాయని చెబుతున్నారు. ఇప్పటికే హిట్ టాక్ తెచ్చుకున్న ఈ చిత్రానికి వస్తున్న విమర్శలు సినిమా మీద క్రేజ్ పెంచుతున్నా.. మమ్ముట్టి లాంటి హీరో నటించిన సినిమాలో ఇలా ఉండటం ఏమిటన్న మాట వినిపిస్తోంది. ఈ వ్యవహారంపై కేరళ మహిళా కమిషన్ మమ్ముట్టితో పాటు.. చిత్ర దర్శకుడు.. నిర్మాతకు నోటీసులు పంపినట్లు చెబుతున్నారు. ఇంతకీ మమ్ముట్టి అలాంటి పొరపాటు ఎందుకు చేసినట్లు..?