సింగ‌రేణి బొగ్గు గ‌ని కార్మికుడి జీవిత క‌థ‌?

నానీ `వీ` లాంటి ప్ర‌యోగం ఫెయిలైనా `శ్యామ్ సింగ‌రాయ్`తో బ్యాక్ టు బ్యాక్ ప్ర‌యోగాల బాట‌ను అనుస‌రించాడు. అయితే ఒక‌ ప్ర‌యోగం ఫెయిలైనా ఆ వెంట‌నే మ‌రో ప్ర‌యోగంతో హిట్టు కొట్టాడు. శ్యామ్ సింగ‌రాయ్ క‌రోనా క్రైసిస్ లోనూ కాసులు కురిపించింది. టికెట్ ధ‌ర స‌మ‌స్య ఉన్నా ఫ‌ర్వాలేద‌నిపించింది. దేవ‌దాసీ వ్య‌వ‌స్థపై ఎవ‌రూ ట‌చ్ చేయ‌ని పాయింట్ తో నానీ మెప్పించాడు. రాహుల్ సాంకృత్య‌న్ ఈ సినిమాని తెర‌కెక్కించారు.


కీర్తి సురేష్ తన కెరీర్‌లో ఎన్నో విల‌క్ష‌ణ పాత్ర‌ల్లో జీవించింది. న‌టిగా అనేక ఆద‌ర్ బ్యాక్డ్ పాత్రలను పోషించింది. అయితే దసరాలో డీగ్లామ‌ర‌స్ పాత్ర‌ను నైజాం యాస మాట్లాడే అమ్మాయి పాత్ర‌ను పోషించేందుకు ఉవ్విళ్లూరుతోంది. శ్రీకాంత్ ఓదెల దర్శకుడిగా పరిచయమవుతున్న ఈ చిత్రం క‌థాంశం పూర్తి ప‌ల్లె నేప‌థ్యంలో ర‌క్తి క‌ట్టించ‌నుంద‌ని తెలిసింది. తెలంగాణలోని సింగరేణిలోని బొగ్గుగని ప్రాంతంలోని ఓ పల్లెటూరి కథ ఇద‌ని ఇందులో నాని బొగ్గు గ‌ని కార్మికుడిగా క‌నిపిస్తార‌ని టాక్ వినిపిస్తోంది.

ఆగస్ట్ లో ఈ మూవీ విడుదలయ్యే అవకాశం ఉంది. కుద‌ర‌ని ప‌క్షంలో 2022 ద‌స‌రా బ‌రిలో విడుద‌ల‌య్యేందుకు ఆస్కారం ఉంది. సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణ్ సంగీతం అందిస్తున్నారు.