అమరవీరులకు బాలీవుడ్ హీరోల సాయం

దేశం కోసం ప్రాణాలు అర్పిస్తున్న అమరవీరుల కుటుంబాలకు చేయూత అందించేందుకు బాలీవుడ్ ప్రముఖ హీరోలు ముందుకొస్తున్నారు. ఆ విధంగా తమ దేశ భక్తిని చాటుకుంటున్నారు. తాజాగా వివేక్ ఒబెరాయ్ థానేలోని సీఆర్‌ పీఎఫ్ అమర సైనికుల కుటుంబాలకు 25 ఫ్లాట్లు ఇవ్వనున్నట్టు ప్రకటించారు. ఈ మేరకు ఆయన సీఆర్‌ పీఎఫ్‌ కు లేఖ రాశాడు.

దేశం కోసం ప్రాణాలు కోల్పోయిన సీఆర్‌ పీఎఫ్ అమరుల కుటుంబాలకు తన కంపెనీ కరమ్ ఇన్‌ ఫ్రాస్ట్రక్చర్స్ తరపున 25 ఫ్లాట్లు నిర్మించి ఇవ్వాలని అనుకుంటున్నట్టు లేఖలో పేర్కొన్నాడు. ఈ మేరకు ఎంపిక చేసిన అమరుల కుటుంబాల పేర్లతో కరమ్‌ ఇన్‌ ఫ్రాస్ట్రక్చర్‌ ఓ జాబితాను విడుదల చేసింది. కాగా, ఇప్పటికే నాలుగు ఫ్లాట్లు అందించినట్టు తెలుస్తోంది.

ఇటీవల ఛత్తీస్‌ గఢ్‌ సుక్మా జిల్లాలో మావోయిస్టు ఎన్‌ కౌంటర్‌ లో ప్రాణాలు కోల్పోయిన 12 మంది సీఆర్ఫీఎఫ్‌ సైనికుల కుటుంబాలకు హీరో అక్షయ్‌ కుమార్‌ ఇంతకుముందు రూ. 1.08 కోట్ల విరాళం ప్రకటించిన సంగతి తెలిసిందే.

Like Us on Facebook : https://www.facebook.com/Tupakidotcom/