అర్జున్ రెడ్డి మళ్లీ కిర్రక్కించాడుగా..

సినిమా పోస్టర్ అంటే చాలామంది ఫిలిం మేకర్స్ చాలా క్యాజువల్ గా తీసుకుంటారు కానీ ప్రేక్షకుడిని సినిమా హాలుదాకా తీసుకురావడంలో పోస్టర్ చాలా కీలకం. ఒక్క పోస్టర్ చాలు.. ప్రేక్షకుడి దృష్టి ఆకట్టుకోవడడానికి, సినిమా హిట్ కొట్టడానికి. లేటెస్ట్ గా వచ్చిన సినిమాల్లో అర్జున్ రెడ్డి ఇందుకు బెస్ట్ ఎగ్జాంపుల్.

హీరో విజయ్ దేవరకొండ - హీరోయిన్ షాలినీ పాండే లిప్ టు లిప్ కిస్ తో ఉన్న పోస్టర్ ఒక్కటే సినిమాకు ముందు రిలీజ్ చేశారు. ఇది ప్రేక్షకులను బాగా ఆకట్టుకుంది. ఇది అసభ్యంగా ఉందంటూ కాంగ్రెస్ పార్టీ సీనియర్ నాయకుడు వి.హనుమంతరావు రగడ చేసినా అది చివరకు సినిమాకు ప్లస్సే అయ్యింది. అర్జున్ రెడ్డి పోస్టరే ఓ రకంగా సంచలనం అనుకుంటే ఇప్పుడు విజయ్ దేవరకొండ నటిస్తున్న తర్వాత సినిమా పోస్టర్ కూడా అదే స్థాయిలో సంచలనం సృష్టించేలా ఉంది. హీరోయిన్ తొడలపై తన తల వాల్చి ఆమె కాళ్లను ఒళ్లో పెట్టుకుని కనిపిస్తున్నాడు విజయ్ దేవరకొండ. ఈ పోస్టర్ ఎంత ఎరోటిక్ గా ఉందో అంత అట్రాక్టివ్ గానూ ఉంది. ఈ సినిమాకు ఫిలిం మేకర్స్ ఇంకా టైటిల్ ఫిక్స్ చేయలేదు.

వివాదాలతో మొదలైన అర్జున్ రెడ్డి వసూళ్ల జోరు ఇప్పటికీ తగ్గలేదు. ఈ సినిమాలోని కంటెంట్ - ఇంటెన్సిటీకి బాగా కనెక్టయిన్ యూత్ ఈ సినిమాకు బ్రహ్మరథం పడుతున్నారు. ముఖ్యంగా అర్బన్ సెంటర్స్ లో అర్జున్ రెడ్డి హవా ఇప్పటికీ జోరుగానే సాగుతోంది. ఈ మధ్య రిలీజైన సినిమాలు అంత ఆకట్టుకునేలా లేకపోవడం కూడా అర్జున్ రెడ్డికి బాగానే ఉపయోగపడింది. అందుకే తర్వాత సినిమాలోనూ అర్బన్ ఆడియన్స్ ను టార్గెట్ చేస్తున్నట్టు కనిపిస్తోంది.