వారి వద్ద వందకు పైగా బాలీవుడ్ సెలబ్రిటీల నగ్న వీడియోలు

బాలీవుడ్ సెలబ్రిటీలు వణికిపోయే ఉదంతం ఒకటి బయటకు వచ్చింది. నమ్మించి.. ముగ్గులోకి దించి వారి ప్రైవేటు వీడియోల్ని గుట్టుచప్పుడు కాకుండా రికార్డు చేసి.. బెదిరించే ముఠాకు సంబంధించి ముంబయి పోలీసులు ఒక టీంను అరెస్టు చేశారు. వీరివద్ద దాదాపు 285 నగ్న వీడియోలు ఉన్నాయని.. అందులో వందకు పైగా బాలీవుడ్ సెలబ్రిటీల వీడియోలు ఉన్నట్లుగా చెబుతున్నారు. ఈ ఉదంతం ఇప్పుడు సంచలనంగా మారింది.

టార్గెట్ చేసి మరీ బాలీవుడ్ సెలబ్రిటీల సోషల్ మీడియా ఖాతాల ద్వారా వారితో పరిచయం చేసుకొని.. స్నేహం నటిస్తున్నట్లుగా చేసి.. వారిని ముగ్గులోకి దింపి న్యూడ్ కాల్స్ ద్వారా వారిని ఇరికించేలా వీడియోల్ని రికార్డు చేసిన వైనం ఇప్పుడు షాకింగ్ గా మారింది. అనంతరం వారి నుంచి పెద్ద ఎత్తున డబ్బుల్ని వసూలు చేస్తున్నారు. దీనికి సంబంధించి ముంబయి పోలీసులకు అందించిన సైబర్ ఫిర్యాదుతో రంగంలోకి దిగిన వారు.. ఒక సైబర్ ముఠాను అదుపులోకి తీసుకున్నారు.

వీరి దగ్గరున్న ల్యాప్ టాప్ లు.. మొబైల్ ఫోన్లు.. ఇతర ఎలక్ట్రికల్ సామాగ్రిని పోలీసులు స్వాధీనం చేసుకున్నట్లుగా చెబుతున్నారు. వీరి వద్ద ఉన్న డేటాను చూస్తే.. బాలీవుడ్ సెలబ్రిటీలకు సంబంధించిన న్యూడ్ వీడియోలు ఉన్నట్లుగా గుర్తించారు. ఈ సెలబ్రిటీల్లో సినీనటులు.. బిజినెస్ మ్యాన్లు.. మోడల్స్ ఉన్నారు. షాకింగ్ నిజం ఏమంటే.. ఈ నగ్న వీడియోలు పురుషులవి మాత్రమే కాదు.. మహిళలకు సంబంధించినవి కూడా ఉన్నట్లు గుర్తించారు. దీంతో.. ఈ ముఠా మూలాలపై ముంబయి పోలీసులు ఇప్పుడు మరింత ఫోకస్ చేస్తున్నారు.