లక్‌ అంటే వెంకీదే

కొంత మంది దర్శకులకు సూపర్‌ హిట్స్‌ పడ్డా ఆ సక్సెస్‌ క్రెడిట్‌ దక్కదు. హీరోలకు ఆ సక్సెస్‌ క్రెడిట్‌ వెళ్లడం వల్ల దర్శకులకు పెద్దగా ఆఫర్లు రావు. సూపర్‌ హిట్స్‌ అందుకున్న దర్శకులు కూడా చాలా గ్యాప్‌ తీసుకుంటూ ఉంటారు ఉదాహరణకు 'ఖైదీ నెం.150' చిత్రం బ్లాక్‌ బస్టర్‌ సక్సెస్‌ అయినా వినాయక్‌ కు పెద్దగా ఆ సక్సెస్‌ క్రెడిట్‌ దక్కలేదు. ఇక 'జై లవకుశ' చిత్రం మంచి విజయాన్ని సొంతం చేసుకున్నా కూడా దర్శకుడు బాబీకి పెద్దగా ఉపయోగపడింది లేదు. కాని కొందరు దర్శకులు మాత్రం సక్సెస్‌ లు లేకున్నా కూడా వరుసగా అదృష్టం కొద్ది ఆఫర్లు అందుకుంటూ ఉంటారు.

తాజాగా అఖిల్‌ తో 'మిస్టర్‌ మజ్ను' చిత్రాన్ని తెరకెక్కించిన దర్శకుడు వెంకీ అట్లూరికి లక్‌ కలిసి వచ్చింది. 'మిస్టర్‌ మజ్ను' చిత్రం మిశ్రమ స్పందన దక్కించుకున్నప్పటికి వెంకీకి మాత్రం మంచి ఆఫర్లు వస్తున్నాయి. మిస్టర్‌ మజ్ను విడుదల తర్వాత పలువురు హీరోల నుండి ఈయనకు ప్రపోజల్‌ అందినట్లుగా సమాచారం అందుతోంది. యువ హీరోలు నితిన్‌, విజయ్‌ దేవరకొండ వంటి హీరోలు వెంకీ అట్లూరితో వర్క్‌ చేసేందుకు ఆసక్తిగా ఉన్నారు.

తొలి చిత్రం తొలిప్రేమతో అందరి దృష్టి ఆకర్షించి, మలి చిత్రం 'మిస్టర్‌ మజ్ను'తో పలకరించిన వెంకీ అట్లూరి మూడవ సినిమా ఎవరితో ఉంటుందా అంటూ అంతా ఆసక్తిగా ఎదురు చూస్తున్నారు. భారీ అంచనాల నడుమ విడుదలైన మిస్టర్‌ మజ్ను చిత్రం ఒక మోస్తరుగా ఆడినా కూడా వెంకీ అట్లూరి క్రేజ్‌ తగ్గక పోవడం ఆశ్చర్యంగా అనిపిస్తుంది. లక్‌ ఉంటే ఇలాగే జరుగుతుంది, అందుకే ఇండస్ట్రీలో ట్యాలెంట్‌ తో పాటు లక్‌ కూడా ఉండాలంటారు.