ఎన్‌ ఫీల్డ్ బైకుపై సెలెంటుగా...

స్టార్ హీరో స్టేటస్ ఉన్నా వెంకటేష్ బాగా సైలెంట్ గా కనిపిస్తాడు. సెట్స్ లో అల్లరి బాగానే చేస్తాడు కానీ.. స్టార్ అనే హోదా లాంటివి ప్రదర్శించడం కనిపించదంటారు సినిమా జనాలు. షూటింగ్ విషయంలో కూడా ఎవరికీ ఎలాంటి ఇబ్బంది కలిగించకుండానే పని పూర్తి చేసేయడం వెంకీ స్పెషాలిటీ.

తాజాగా విశాఖ సమీపంలోని భీమిలీలో వెంకటేష్ లేటెస్ట్ మూవీ గురు షూటింగ్ చేశారు. ఇక్కడ షూటింగ్స్ సందడి బాగానే ఉంటుది కానీ.. పెద్ద హీరో మూవీ అయితే సందోహం బాగానే కనిపిస్తుంది. కానీ వెంకీ ఎప్పుడొచ్చాడో.. ఎప్పుడెళ్లాడో కూడా ఎవరికీ తెలియనంత సైలెంట్ గా షూటింగ్ చేసేయడం విశేషం. బీచ్ ను ఆనుకుని ఉండే రోడ్ పై.. ఎన్ ఫీల్డ్ బైక్ తోలే సన్నివేశం.. భీమిలీలో షూట్ చేశారు.

నిన్న మధ్యాహ్నం గురు షూటింగ్ జరగగా.. గంట వ్యవధిలోనే పనంతా పూర్తి చేసుకుని యూనిట్ అంతా వెళ్లిపోయారు. బాక్సింగ్ కోచ్ గా వెంకటేష్ కనిపించనున్న ఈ చిత్రం.. తమిళ మూవీ ఇరుదు సూత్రుకు రీమేక్. సుధ కొంగర దర్శకత్వం వహిస్తుండగా.. బాక్సింగ్ కోచ్ వెంకీకి శిష్యురాలిగా రితికా సింగ్ నటిస్తోంది.

Like Us on Facebook : https://www.facebook.com/Tupakidotcom/