ఫన్ గా వెంకీ..ఫస్ట్రేషన్ లో వరుణ్ తేజ్

మల్టీస్టారర్ మూవీలకు హీరో వెంకటేశ్ కేరాఫ్ అడ్రస్. ఇప్పటికే ఈయన పవన్, మహేష్ బాబు లాంటి స్టార్ లతో కలిసి నటించాడు. ఇప్పుడు మరో మల్టీ స్టారర్ తో మన ముందుకు వస్తున్నాడు. ప్రస్తుతం వరుస సినిమాలతో ఇండస్ట్రీని ఆకర్సించిన దర్శకుడు అనిల్ రావిపూడి దర్శకత్వంలో ఓ సినిమా చేస్తున్నాడు. మెగా హీరో వరుణ్ తేజ్ ఇందులో నటిస్తున్నాడు. ఈ సినిమాకు ‘ఎఫ్2 ఫన్ అండ్ ఫస్ట్రేషన్’ అనే పేరును ఖరారు చేశారు.

తాజాగా ఈ సినిమా గురించి ఓ అప్ డేట్ ను దర్శకుడు అనిల్ రావిపూడి తన ట్విట్టర్ ఖాతాలో షేర్ చేశాడు. అవిప్పుడు వైరల్ గా మారాయి. అనిల్ రావిపూడి షేర్ చేసిన ఈ ఫొటోల్లో వెంకటేశ్ - వరుణ్ తేజ్ కనిపించారు. వెంకీ కామెడీగా ఎదో చూపిస్తూ ఫన్ తెప్పిస్తుండగా.. వరుణ్ మాత్రం ఫస్ట్రేషన్ లో ఉన్నట్టు కనిపించాడు. సినిమా టైటిల్ లోనే ఫన్ అండ్ ఫస్ట్రేషన్ ఉండడంతో దానికి సరిపోయేలా అనిల్ ఈ ఫొటోను షేర్ చేసి అభిమానులకు కనువిందు చేశాడు. ఈ ఫొటోలో ఇద్దరు స్టార్ హీరోలు ఉండడంతో అందరూ ఆసక్తిగా చూస్తున్నారు. చూస్తుంటే అనిల్ మరో కమర్షియల్ హిట్ కొట్టేటట్టే కనిపిస్తున్నాడు.