విలన్ గా మెగా హీరో.. అయ్యే పనేనా?

ఈరోజు వాల్మీకి సినిమా స్టార్ట్ అయింది. వచ్చేనెల నుంచి రెగ్యులర్ షూటింగ్ మొదలవుతుంది. ఇందులో వరుణ్ తేజ్ నటిస్తున్నాడు. హీరోగా మాత్రం కాదు - విలన్ పాత్ర. అవును - సినిమాలో వరుణ్ ది అచ్చంగా విలన్ పాత్ర. తమిళ్ లో హిట్ అయిన జిగర్ తాండా సినిమాలో సిద్దార్థ్ హీరోగా నటిస్తే - విలన్ గా బాబి సిమ్హా నటించాడు. ఆ బాబి పాత్రనే వరుణ్ పోషిస్తున్నాడు.

జిగర్ తాండాలో బాబి సిమ్హా ఎంట్రీ అదిరిపోతుంది. ఓ వ్యక్తిని సజీవంగా పొలాల్లో తగలబెట్టే సన్నివేశంలో బాబి యాక్షన్ చూస్తే నిజంగా భయమేస్తుంది. అంత భయంకరంగా మెగా హీరో వరుణ్ నటించగలడా అనేది సందేహం. ప్రస్తుతానికైతే ఈ హీరో బాబి సిమ్హా తరహాలో మీసం - గడ్డం పెంచాడు. యాక్టింగ్ ఎలా ఉంటుందో చూడాలి.

మరోవైపు సిద్దార్థ్ పోషించిన పాత్రకు ఎవర్ని సెలక్ట్ చేస్తారనే అంశంపై క్లారిటీ ఇవ్వలేదు. ఇంకోవైపు సినిమాలో భారీ మార్పులు చోటుచేసుకునే అవకాశం కూడా ఉందంటూ వార్తలు వస్తున్నాయి. ఎందుకంటే గతంలో గబ్బర్ సింగ్ సినిమాను ఇలానే చేశాడు హరీష్. సో.. వాల్మీకి కూడా కొత్తగానే ఉంటుందేమో.