వావ్! వంగవీటికి ఒక్క కట్ పడలేదు

రామ్ గోపాల్ వర్మ దర్శకత్వంలో తెరకెక్కిన వంగవీటి మూవీ.. అనౌన్స్ మెంట్ నుంచి సంచలనమే. ఇప్పుడా చిత్రం ఎట్టకేలకు అన్ని అవరోధాలు కంప్లీట్ చేసుకుని విడుదలకు సిద్ధమైపోయింది. డిసెంబర్ 23న ప్రేక్షకుల ముందుకు తెచ్చేందుకు వర్మ అన్ని ఏర్పాట్లు చేసుకుంటున్నాడు. మరోవైపు తాజాగా వంగవీటికి సెన్సార్ ఫార్మాలిటీస్ కూడా పూర్తయ్యాయి.

మూవీ ఆద్యంతం నిశితంగా పరిశీలించి సెన్సార్ సభ్యులు.. ఒకటీ అరా డైలాగ్స్ ను మార్చమని చెప్పడం మినహా.. సినిమా మొత్తంలో ఎక్కడా ఒక్క కట్ కూడా సూచించకుండానే సర్టిఫికేట్ ఇచ్చేశారట. అయితే.. వయొలెన్స్ ఎక్కువగా ఉండే ఈ మూవీకి ఊహించినట్లుగా ఏ సర్టిఫికేట్ వచ్చింది. అసలు విడుదల కోసం ఈ మూవీలో ఉన్న కమ్మ-కాపు వివాదాస్పద పాటను తొలగించేందుకు వర్మ ముందుగానే అంగీకరించిన సంగతి తెలిసిందే. ఈ చిత్రంలో వంగవీటి-దేవినేని కుటుంబాల మధ్య ఉన్న వైరం కంటే ఎక్కువగా.. 1970ల నాటి పరిస్థితుల్లో.. రెండు కులాల మధ్య ఉన్న విబేధాలనే ఫోకస్ చేశాడట వర్మ.

ఆనాటి పరిస్థితులను కళ్లకు కట్టినట్లుగా చూపడంలో వర్మ సక్సెస్ అయ్యాడనే టాక్ వినిపిస్తోంది. వర్మ తీసిన సినిమాల్లో రీసెంట్ టైంలో వంగవీటిదే భారీ రిలీజ్ అని తెలుస్తోంది. రెండు తెలుగు రాష్ట్రాల్లోనూ భారీ ఎత్తున విడుదల కానున్న ఈ వంగవీటి.. డిసెంబర్ 23న థియేటర్లలోకి రానుంది.

Like Us on Facebook : https://www.facebook.com/Tupakidotcom/