మలయాళం కజిన్‌ తో ఎన్టీఆర్‌ ఫైట్‌

ఇంతకీ యంగ్‌ టైగర్‌ ఎన్టీఆర్‌ సినిమాలో విలన్‌ ఎవరు? ఇప్పటివరకు చాలా పేర్లు వినిపంచాయి. అయితే ఇప్పటికే ఎన్టీఆర్‌ పెదనాన్న క్యారెక్టర్‌ లో మలయాళ సూపర్‌ స్టార్‌ మోహన్‌ లాల్‌ ను దించేసిన దర్శకుడు కొరటాల శివ.. ఇప్పుడు విలన్‌ గా కూడా మరో మలయాళీ నటుడినే దించాడు.

మలయాళంలో పాపులర్‌ యాక్టర్‌ ఉన్ని ముకుందన్‌ ఇప్పుడు ఎన్టీఆర్‌ సినిమాలో విలన్‌గా కనిపిస్తాడు. ఇతగాడు మోహన్‌ లాల్‌ కొడుకుగా.. ఎన్టీఆర్‌ కజిన్‌ గా కనిపిస్తూ.. విలనీ ప్రదర్శిస్తాడట. ఈ విషయంగా స్వయంగా ఉన్ని కన్ఫాం చేసేశాడు కూడా. తనకు ఎన్టీఆర్‌ తో నటించడం.. అలాగే మల్లూ సూపర్‌ స్టార్‌ మోహన్‌ లాల్‌ తో కలసి నటించడం ఎంతో ఆనందంగా ఉంది చెప్పుకొచ్చాడు.

చూస్తుంటే.. అసలు కొరటాల శివ ఎన్టీఆర్‌ తో ఒక మలయాళం సినిమా తీస్తున్నాడేమో అనిపిస్తోంది. మోహన్‌ లాల్‌ - నిత్యా మీనన్‌ - ఉన్ని ముకుందన్‌.. ఏంటో మరి ఈ క్యాస్టింగ్‌. మల్లూ సినిమాకు తెలుగు డబ్బింగులాగా!!