అంకుల్ మమ్ముట్టి అదరగొడతాడా

మలయాళ సూపర్ స్టార్ మమ్ముట్టి ఎలాంటి పాత్రను అయినా అదరగొట్టేస్తూ ఉంటాడు. ఇప్పటికీ యంగ్ అండ్ ఎనర్జిటిక్ రోల్స్ మాత్రమే కాదు.. వయసు పైబడ్డ పాత్రల్లో కూడా కనిపించడం మమ్ముట్టికి కొట్టిన పిండి అయిపోయింది. ఇప్పటికే పలు చిత్రాలలో ఇలా పెద్ద తరహా పాత్రలలో మెప్పించిన మమ్ముట్టి ఇప్పుడు మరో చిత్రం ద్వారా ఆడియన్స్ ముందుకు వస్తున్నాడు.

అంకుల్ - హర్ డాడ్స్ బెస్ట్ ఫ్రెండ్ అనే టైటిల్ పై రూపొందిన మూవీలో నటిస్తుండగా.. ఇప్పుడు ఆ సినిమాకు సంబంధించిన టీజర్ రిలీజ్ చేశారు. ఇందులో ఓ 17 ఏళ్ల అమ్మాయి.. అంకుల్ గా మమ్ముట్టి మధ్య నడిచే కథ ఇది అనే సంగతె చెప్పేశారు. ఈ సినిమాకు జాయ్ మాథ్యూ రచన కావడంతో.. మూవీపై అంతటా ఆసక్తి నెలకొంది. గతంలో నువ్వొస్తానంటే నేనొద్దంటానా చిత్రాన్ని మలయాళంలో షట్టర్ అనే పేరుపై మాధ్యూనే రూపొందించాడు. ఇప్పుడు మళ్లీ వీరి కాంబినేషన్ కావడంతోనే సినిమాపై ఆసక్తి కనిపిస్తోంది.

రీసెంట్ గా రిలీజ్ అయిన అంకుల్ టీజర్ సోషల్ మీడియాలో సూపర్ గా క్లిక్ అయింది. అంకుల్ గా తండ్రికి స్నేహితుడి పాత్రలో మమ్ముట్టి కచ్చితంగా ఆకట్టుకుంటున్నాడు. ఇలాంటి పాత్రలను పండించడంలో ఇప్పటికే తనను తాను చాలాసార్లు ప్రూవ్ చేసుకున్న మమ్ముట్టి.. అంకుల్ మూవీతో మరోసారి సెన్సేషనల్ హిట్ సాధిస్తాడని ఫ్యాన్స్ అంటున్నారు.

టీజర్ కోసం క్లిక్ చేయండి