మరీ ఇంత బేఫికర్ గా చూపించేస్తారా?

బాలీవుడ్ లో బేఫికర్ మూవీ సెన్సేషన్స్ బాగానే నమోదయ్యేట్లుగా ఉన్నాయి. రణవీర్ సింగ్.. వాణికపూర్ లు జంటగా నటించిన ఈ సినిమాలో 25 లిప్ లాక్ లు ఉంటాయని.. మొట్టమొదట లీక్ ఇచ్చినప్పటి నుంచి బేఫికర్ హంగామా పరిగెడుతూనే ఉంది. ఇక నెలకోసారి తొమ్మిదో తేదీన గాఢంగా లిప్ లాక్ లాగించేస్తున్న ఫోటో రిలీజ్ చేసిన బేఫికర్ టీం.. సినిమా రిలీజ్ దగ్గర పడే కొద్దీ టీజర్.. ట్రైలర్.. ప్రోమో సాంగ్స్ తో హంగామా స్పీడ్ పెంచేసింది.

తాజాగా 'ఉడే దిల్ బేఫికరే' అంటూ సాగే డ్యూయట్ ను రిలీజ్ చేసింది యూనిట్. కామన్ ప్రజలు చేయాలని అనుకుని.. ఇంగిత జ్ఞానం అడ్డొచ్చి చేయలేక ఆగిపోయే పనులను.. ఈ బేఫికర్ జంట చేసేస్తూ ఉంటారు. ఎవరో ఏదో అనుకుంటారని అనుకున్నది చేయకుండా ఆగిపోవడం కాకుండా.. అప్పటికప్పుడు బేఫికర్ గా చేసేయడాన్ని కామెడీగా బాగానే చూపించారు. అయితే దర్శకుడు కేవలం కామెడీతో ఆగిపోకుండా.. అడల్ట్ కంటెంట్ ఫీలింగ్స్ ని కూడా బాగానే మిక్స్ చేసేశాడు.

'ఉడే దిల్ బేఫికరే' సాంగ్ మ్యూజిక్ పరంగా కూడా మంచి క్యాచీగానే ఉంది. వాణి కపూర్ తో పోటీ పడి మరీ రణవీర్ సింగ్ కూడా రెచ్చిపోయి మరీ స్కిన్ షో చేసేయడం ఈ పాటలో అసలు హైలైట్. థియేటర్లలో డిసెంబర్ 9న ఉండమని బేఫికర్ జంట చెబుతున్న మాటలను ఆడియన్స్ పట్టించుకుంటారో లేదో!



Like Us on Facebook : https://www.facebook.com/Tupakidotcom/