జనతా గ్యారేజ్ కోసం రెండు క్లైమాక్సులట

జూనియర్ ఎన్టీఆర్ నటిస్తున్న జనతా గ్యారేజ్ మూవీపై నందమూరి అభిమానుల్లో చాలానే ఆశలున్నాయి. వరుసగా రెండు హిట్స్ ఇచ్చిన తమ హీరో.. ఈసారి కొరటాల శివ డైరెక్షన్ తో కలిపి హ్యాట్రిక్ కొట్టేస్తాడని చాలానే హోప్స్ పెట్టుకున్నారు. ఇందుకోసం దర్శకుడు కూడా ఏ మాత్రం కాంప్రమైజ్ కావడం లేదు.

ఇప్పుడు జనతా గ్యారేజ్ మూవీ ఫినిషింగ్ దశకు చేరుకున్న సంగతి తెలిసిందే. రీసెంట్ గా కేరళ వెళ్లి మరీ అక్కడో పాట పిక్చరైజ్ చేశారు. కేరళ అంటే ఓ విషయం గురించి చెప్పుకోవాలి. ఈ జనతా గ్యారేజ్ ను తెలుగులో ఎంత భారీగా రిలీజ్ చేయనున్నారో.. మలయాళీ వెర్షన్ ను కూడా అంతగాను ప్రిపేర్ చేస్తున్నారు. కేరళలో మోహన్ లాల్ క్రేజ్ ను ఉపయోగించుకునేందుకు గానీ.. సినిమాకి రెండు క్లైమాక్సులు చిత్రీకరించారని తెలుస్తోంది. మల్లూ వెర్షన్ క్లైమాక్స్ లో.. మోహన్ లాల్ కి ఎక్కువ స్క్రీన్ ప్రెజెన్స్ ఉండనుందని అంటున్నారు.

సినిమాని హిట్ చేసుకోవడానికి ఇలా క్లైమాక్సులు మార్చడం కరెక్టే కావచ్చు కానీ.. అసలు ఈ లెక్కన జనతా గ్యారేజ్ కేరళలో ఎన్టీఆర్ సినిమా ఎలా అవుతుందన్నదే డౌట్! అసలే మెయిన్ కేరక్టర్స్ అన్నీ అక్కడి నుంచే పట్టుకొచ్చారు. పాటల కోసం కూడా కేరళనే ఎంచుకున్నారు. టీజర్ లో కూడా ఎన్టీఆర్ కంటే మోహన్ లాల్ కే ప్రాధాన్యత కనిపించింది. ఇప్పుడు క్లైమాక్స్ కూడా మోహన్ లాల్ కే ఇచ్చేస్తే.. ప్చ్!!!