బన్నీ-త్రివిక్రమ్: ఆ ఘట్టం అయిందట

స్టైలిష్ స్టార్ అల్లు అర్జున్ - త్రివిక్రమ్ కాంబినేషన్లో సినిమా రానుందని చాలారోజుల క్రితమే కన్ఫాం అయింది. కానీ ఆ ప్రాజెక్టుకు సంబంధించిన కీలకమైన ఘట్టం ఈమధ్యే పూర్తయిందట. అదేంటంటే బన్నీకి త్రివిక్రమ్ కథ వినిపించడం. రీసెంట్ గా గురూజీ కథను వినిపించగా బన్నీ ఇంప్రెస్ అయ్యాడని.. తనవైపు నుండి గ్రీన్ సిగ్నల్ ఇచ్చాడని సమాచారం.

స్టొరీ నేరేషన్ అంకం పూర్తయింది కాబట్టి ప్రీ-ప్రొడక్షన్ ఇక ఊపందుకునే అవకాశం ఉంది. టెక్నిషియన్లు.. నటీనటుల ఎంపికపై ప్రస్తుతం త్రివిక్రమ్ ఫోకస్ చేస్తున్నారట. త్రివిక్రమ్- బన్నీ కాంబినేషన్లో తెరకెక్కిన రెండు సినిమాలకు సంగీతం అందించింది దేవీ శ్రీప్రసాద్. 'జులాయి'.. 'S/o సత్యమూర్తి' సినిమాలు రెండూ మ్యూజికల్ హిట్సే.. దీంతో దేవీనే తీసుకుందామని ఆలోచన ఉన్నప్పటికీ తను పెద్దగా ఫామ్ లో లేకపోవడంతో పునరాలోచనలో పడ్డారట. దేవీ బదులుగా థమన్ ను తీసుకునే అవకాశం ఉందని అంటున్నారు.

మరోవైపు హీరోయిన్ విషయానికి వస్తే కియారా అద్వాని.. రష్మిక మందన్న పేర్లను పరిలిస్తున్నారట. ఇద్దరిలో ఒకరిని ఫైనలైజ్ చేసే అవకాశం ఉందని సమాచారం. ఈ సినిమాను హారికి హాసిని క్రియేషన్స్.. గీతా ఆర్ట్స్ బ్యానర్లు సంయుక్తంగా నిర్మిస్తారు.