టాలీవుడ్ సందడి మొదలైంది

గత ఏడాది నవంబర్ లో సినిమా థియేటర్స్ కొంచెం కాలిగా కనిపించిన సంగతి తెలిసిందే. అందరు పండగలనే టార్గెట్ చేయడంతో కొన్ని వారలు గ్యాప్ వచ్చింది. మళ్లీ డిసెంబర్ లో ఉపందుకొని ఫిబ్రవరి వరకు కొంచెం సందడిగానే ఉండేది. అయితే ఆ తరువాత చాలా వరకు యువతకు పరీక్షలు మొదలవ్వడంతో టాలీవుడ్ బ్రేక్ తీసుకుంది. మొత్తంగా ఓ నాలుగు వారల తరువాత పరీక్షలు పూర్తవ్వడంతో అసలు వాతావరణం మొదలైంది.

కొంచెం క్రేజ్ ఉన్న సినిమాలు వస్తే.. సమ్మర్ హాలిడేస్ ని ఎంజాయ్ చేయవచ్చు అని చాలా మంది అనుకుంటారు. అందుకే కిర్రాక్ పార్టీ టీమ్ ఒపిక పట్టి ఈ శుక్రవారం సినిమాను రిలీజ్ చేయడానికి సిద్ధమైంది. నిఖిల్ సినిమాలకు గత కొంత కాలంగా మంచి క్రేజ్ అందుతోన్న సంగతి తెలిసిందే. అందులోను కాలేజ్ క్యాంపస్ కథ కావడంతో యువతను ఎక్కువగా ఆకర్షిస్తోంది. ఈ సినిమాతో పాటు ఐతే 2.0 - దండుపాళ్యం 3 - కర్తవ్యం సినిమాలు కూడా రిలీజ్ కానున్నాయి.

నయనతార నటించిన డబ్బింగ్ సినిమా కర్తవ్యం తమిళ్ లో మంచి హిట్ అయ్యింది. ప్రముఖ నిర్మాత శరత్ మరార్ గత కొంత కాలంగా సినిమాను రిలీజ్ చేయాలనీ చూస్తున్నాడు. ఫైనల్ గా ఈ రోజుకు సెట్ అయ్యింది. ఇక దండుపాళ్యం 3 కోసం స్పెషల్ గా ఓ వర్గం వారు చాలా కాలం నుంచి ఎదురుచూస్తున్నారు. ఐతే స్పూర్తితో తెరకెక్కిన ఐతే 2.0 సినిమాపై కూడా అంచనాలు ఓ విధంగా బాగానే ఉన్నాయి. మల్టిప్లెక్స్ ఆడియెన్స్ కి సినిమా తప్పకుండా నచ్చుతుందనే టాక్ వస్తోంది. మరి ఈ నాలుగు సినిమాల్లో ఏ సినిమా ఎక్కువ ఆదరణని అందుకుంటుందో చూడాలి.