మన బడా స్టార్లు ఇంటర్యూలు ఇవ్వరా??

ఇప్పుడు యుట్యూబ్ లో ఎక్కడ చూసినా కూడా.. తమ సినిమాలు రిలీజ్ చేసుకుంటున్న చిన్న చిన్న స్టార్లు.. లేదా బ్రేక్ రాని స్టార్లు.. వీళ్ళ ఇంటర్యూలతో ఫుల్లుగా నిండిపోతోంది. మరి మన పెద్ద పెద్ద స్టార్లు ఈ యుట్యూబ్ లో ఇంటర్యూలు గట్రా ఇవ్వరా?

అవతల బాలీవుడ్లో చూస్తుంటే సూపర్ స్టార్లు కూడా యుట్యూబ్ స్టార్లకు.. పేరు మోసిన యుట్యూబ్ ఛానళ్ళకు పిలిచి మరీ ఇంటర్యూలు ఇవ్వడం వంటివి చేస్తుంటారు. స్వయంగా షారూఖ్‌ ఖాన్ కూడా ఎన్నో యుట్యూబ్ ఛానళ్ళకు ఇంటర్యూలు ఇచ్చాడు. కాని మన దగ్గర మాత్రం ఆ మధ్యన ఓ బాలీవుడ్ యుట్యూబ్ ఛానల్ కు పవన్ కళ్యాణ్‌.. అదే ఛానల్ కు ఇప్పుడు బాహుబలి టీమ్ స్పెషల్ ఇంటర్యూలు ఇచ్చింది. అంతకాని లోకల్ గా పాపులరైన యుట్యూబ్ వారికి మాత్రం.. ఈ సూపర్ స్టార్లు ఐదు నిమిషాలు కూడా టైమ్ ఇవ్వలేదు. ఇక మిగిలిన సూపర్ స్టార్ల సంగతి చెప్పాల్సిన అవసరమే లేదు.

నిజానికి మార్కెట్ పెంచుకోవడం అంటే.. పక్క రాష్ట్రాల్లో మన సినిమాను రిలీజ్ చేయడం కాదు. వారి బాషలో బైలింగువల్ తీయడం కాదు. అసలు ఇక్కడే ఉన్న తెలుగు ఆడియన్స్ లో ఎక్కువమందితో మన సినిమాను చూసేలా చేయడం. బాహుబలి విషయంలో అదే జరిగింది. కాని మామూలు సినిమాలకు అలా జరగాలంటే.. ఈ సెలబ్రిటీలు యుట్యూబ్ వంటి ముఖ్య మైన మాద్యమంలో ఎక్కువగానే తమ ప్రెజన్స్ పెంచుకోవాలి. మన బడా స్టార్లు ఈ విషయం గమనిస్తే బెటర్ గురూ!!

Like Us on Facebook : https://www.facebook.com/Tupakidotcom/