ఆ నిర్మాత జాక్ పాట్ కొట్టేశాడటగా

కన్నడ ఫిలిం ఇండస్ట్రీకి నిఖిల్ గౌడను హై లెవెల్ లో ఇంట్రడ్యూస్ చేస్తున్నారు. దేవగౌడ మనవడు.. కుమారస్వామి కొడుకు కావడంతో.. నిఖిల్ ఇంట్రడక్షన్ టాప్ స్టార్ హీరో రేంజ్ లో జరుగుతోంది. తెలుగు తమిళ్ లో కూడా.. ఈ చిత్రాన్ని భారీగా రిలీజ్ చేసి.. మార్కెట్ క్రియేట్ చేసేందుకు జాగ్వార్ మేకర్స్ బాగానే ట్రై చేస్తున్నారు. ఇది ఓ టాలీవుడ్ ప్రొడ్యూసర్ కి భారీ లాభాలను మిగులుస్తోందని అంటున్నారు.

కేవలం జాగ్వార్ ని తెలుగులో భారీగా రిలీజ్ చేసినందుకు హెల్ప్ చేసినందుకే.. దాదాపు 5 కోట్ల రూపాయలు వెనకేసుకుంటున్నాడట ఓ టాలీవుడ్ ప్రొడ్యూసర్. జాగ్వార్ మేకర్స్ కి ఇక్కడి ఇండస్ట్రీపై పట్టు లేకపోవడంతో.. రెండు తెలుగు రాష్ట్రాల్లో థియేటర్లపై గ్రిప్ ఉన్న ఓ ప్రొడ్యూసర్ ని అప్రోచ్ అయ్యి.. కేవలం తెలుగు రిలీజ్ కోసమే 5 కోట్లు వెచ్చిస్తున్నారని తెలుస్తోంది. దీనికి ప్రమోషన్స్ కోసం వెచ్చించే మొత్తం అదనం అంటున్నారు. అంటే కేవలం రిలీజ్ కి సాయం చేసినందుకే ఆ మొత్తం దక్కనుండగా.. ఇప్పటికే చేతిలో థియేటర్స్ ఉన్న ఆయనకు.. విడుదల విషయంలో థియేటర్స్ ఏర్పాటు చేయడం సమస్య కాబోదు.

ఇక జాగ్వార్ లో జగపతిబాబు.. రమ్యకృష్ణ.. బ్రహ్మానందంలు కూడా నటించడంతో.. తెలుగు ఆడియన్స్ కి ఈ మూవీ కనెక్ట్ కావడం అంత కష్టం కాకపోవచ్చనే అంచనాలు వినిపిస్తున్నాయి.