జక్కన్న పార్టీ...టాలీవుడ్ జనాలు హాజరు!

ఎస్ ఎస్ రాజమౌళి తనయుడు కార్తికేయ వివాహం డిసెంబర్ 27 న జైపూర్లో జరగనున్న విషయం తెలిసిందే. జగపతి బాబు అన్నయ్యగారి కుమార్తె పూజా ప్రసాద్ ను కార్తికేయ మ్యారేజ్ చేసుకోబోతున్నాడు. దీంతో ఇరు కుటుంబాల వారు ఈ పెళ్ళి హడావుడిలో ఉన్నారు. రాజమౌళి కూడా తనయుడి వివాహం కోసం #RRR చిత్రం షూటింగ్ కు విరామం ఇచ్చాడు. ఇప్పటికే మొదటి షెడ్యూల్ పూర్తి చేసుకున్న ఈ సినిమా రెండో షెడ్యూల్ ను సంక్రాంతి తర్వాత మొదలు పెడతారు.

ఇదిలా ఉంటే రాజమౌళి ఈమధ్య సెలబ్రిటీలకు ప్రీ వెడ్డింగ్ పార్టీ ఇచ్చాడని.. దాదాపు టాలీవుడ్ స్టార్స్ అందరూ ఆ పార్టీకి హాజరయ్యారని సమాచారం. మహేష్ బాబు.. ఎన్టీఆర్.. రామ్ చరణ్ లు ఈ పార్టీ లో సందడి చేశారట. పార్టీకి పలువురు బాలీవుడ్ సెలెబ్రిటీలు కూడా హాజరయ్యారట. పెళ్ళికి కుటుంబ సభ్యులు.. సన్నిహితులు మాత్రమే హాజరయ్యేలా ఒక ప్రైవేటు ఈవెంట్ లా ప్లాన్ చేసుకావడంతో ఇలా ఇండస్ట్రీ ఫ్రెండ్స్ కు ముందుగా ఒక పార్టీ ఇచ్చారని సమాహారం. జనవరిలో భారీ రిసెప్షన్ ప్లాన్ చేస్తున్నాడట జక్కన్న. ఈ రిసెప్షన్ కు మాత్రం జక్కన్న ఫ్యామిలీ అందరినీ ఇన్వైట్ చేస్తున్నారట.

'బాహుబలి' ఫ్రాంచైజీ అసాధారణ విజయం సాధించడంతో రాజమౌళి క్రేజ్ ఆకాశాన్ని తాకుతోంది. దీంతో రాజమౌళికి సంబంధించిన ఏ విషయమైనా ఇప్పుడు హాట్ టాపిక్ అవుతోంది. ఈ లెక్కన ఇప్పటి నుండి రిసెప్షన్ వరకూ పాటు జక్కన్న తనయుడి వివాహానికి సంబంధించిన అప్డేట్లతో మీడియా హోరెత్తడం ఖాయం.