వావ్.. బాలయ్య సినిమాలో ముగ్గురా?

తన 100వ చిత్రం గౌతమిపుత్ర శాతకర్ణితో 50 కోట్ల క్లబ్ లోకి గ్రాండ్ ఎంట్రీ ఇచ్చిన నందమూరి బాలకృష్ణ.. ఇప్పుడ 101కి రెడీ అయిపోతున్నారు. కోలీవుడ్ సీనియర్ దర్శకుడు కేఎస్ రవికుమార్ డైరెక్షన్ లో.. సి కళ్యాణ్ నిర్మాతగా రూపొందనున్న ఈ చిత్రంపై త్వరలో అఫీషియల్ అనౌన్స్ మెంట్ రానుంది.

ఇప్పటికే ప్రీ ప్రొడక్షన్ పనులు మొదలుపెట్టేయగా.. ఇప్పుడీ చిత్రానికి సంబంధించిన ఒక్కో అప్డేట్ తో.. నందమూరి అభిమానులు తెగ ఖుషీ అయిపోతున్నారు. ఈ సినిమాలో హీరోయిన్ గా తమన్నా పేరు వినిపిస్తున్నా.. మరోవైపు ప్రగ్రా జైస్వాల్ ను కూడా సంప్రదించనున్నారని తెలుస్తోంది. అసలు విషయం ఏంటంటే.. ఈ మూవీలో ముగ్గురు హీరోయిన్లకు స్కోప్ ఉంటుందిట. వీటిలో ఒక పాత్రను ప్రస్తుతం స్టార్ రేంజ్ లో ఉన్న ఒక భామను తీసుకోవాలని యోచిస్తున్నాడట దర్శకుడు కేఎస్ రవికుమార్.

ముగ్గురు హీరోయిన్లతో బాలయ్య రొమాన్స్ చేయనున్నాడనే న్యూస్ కి తోడు.. మరోవైపు ఈ సినిమా గురించి మరో ఆసక్తికరమైన విషయం తెలుస్తోంది. ఈ తమిళ దర్శకుడు చెప్పిన వెర్షన్ కి బాలయ్య వెంటనే గ్రీన్ సిగ్నల్ ఇవ్వడానికి కారణం.. ఈ స్టోరీలో బాలయ్య పాత్రను తీర్చిదిద్దిన విధానమే అంటున్నారు. ఈ చిత్రంలో బాలయ్య డ్యుయల్ రోల్ లో కనిపించబోతున్నారట కూడా.

Like Us on Facebook : https://www.facebook.com/Tupakidotcom/