పవర్ స్టార్ టికెట్స్ కోసం పోలీస్ సెక్యూరిటీ

ఏంటీ.. పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్ టికెట్ల కోసం పోలీస్ సెక్యూరిటీనా? ఎందుకంత హడావిడి.. కౌంటర్స్ లో ఈజీగానే దొరుకుతున్నాయిగా అనుకుంటున్నారా.. ఇది మన పవర్ స్టార్ సంగతి కాదు. కోలీవుడ్ పవర్ స్టార్ విజయ్ మూవీ కోసం ఈ హంగామా అంతా.

ఏప్రిల్ 15న భారీ ఎత్తున రిలీజ్ కానున్న విజయ్ మూవీ 'తెరి'కోసం థియేటర్ల దగ్గర అభిమానుల కోలాహలం మామూలుగా లేదు. తమిళనాడులోని అన్ని థియేటర్ల దగ్గర ఫ్యాన్స్ బారులు తీరిపోయారు. అడ్వాన్స్ బుకింగ్స్ కోసమే ఈ హంగామా అంతా. ఈ ఫ్యాన్స్ రచ్చను కంట్రోల్ చేయడానికి పోలీసులు రంగంలోకి దిగాల్సి వచ్చింది. చాలా చోట్ల పోలీసులు కూడా ఏం చేయలేక సైలెంట్ గా చూస్తూ ఉండిపోవాల్సి వచ్చింది.

తమిళనాడులో ఓ మూవీ టికెట్ల కోసం ఈ రేంజ్ లో సెక్యూరిటీ ఏర్పాటు చేయాల్సివచ్చిన సందర్భం ఇదే అంటున్నారు. విజయ్ కి జంటగా సమంత, అమీజాక్సన్ లు నటించిన ఈ మూవీ.. తెలుగులో పోలీసోడు టైటిల్ పై రిలీజ్ కానుంది.