గణేష్ కూడా కాపీయేనా థమన్!?

ఎస్ ఎస్ థమన్.. మోస్ట్ డిమాండబుల్ మ్యూజిక్ డైరెక్టర్. షార్ట్ పీరియడ్ లో స్టార్ హీరోలకు మ్యూజిక్ ఇచ్చే రేంజ్ కి ఎదిగాడు థమన్. ఒకరిద్దరు తప్ప దాదాపుగా టాప్ స్టార్స్ అందరికీ మ్యూజిక్ ఇచ్చాడు. ఇప్పుడు కూడా క్రేజీ ప్రాజెక్టులు చాలానే ఉన్నాయి చేతిలో.

ఎన్ని సినిమాలకు కంపోజ్ చేసినా.. కాపీ కొట్టడంలో క్రియేటివిటీ చూపించేస్తాడు. పక్కనోళ్లవే కాదు.. తన ట్యూన్స్ తనే కాపీ కొట్టడం థమన్ స్పెషాలిటీ. లేటెస్ట్ గా బాలకృష్ణ నటిస్తున్న 99వ చిత్రం డిక్టేటర్ కి సంగీతం అందిస్తున్నాడు. తాజాగా వినాయక చవితికి.. గం గం గం గణే శా అంటూ సాగే ఓ పాటని ప్రెస్టీజియస్ గా రిలీజ్ చేశారు. అకేషన్ చూసుకుని ప్రతిష్టాత్మకంగా లాంఛ్ చేసిన సాంగ్ కూడా కాపీ కొట్టినదే అనే విషయం తెలిసి.. అందరూ ముక్కున వేలేసుకోవాల్సి వచ్చింది.

అది కూడా ఏదో జనాలకు తెలీనిది కాదు.. ఏకంగా సల్మాన్ లేటెస్ట్ మూవీ భజరంగీ భాయ్ జాన్ నుంచి పట్టుకొచ్చేశాడు అంటున్నారు మ్యూజిక్‌ లవర్స్‌. సెల్ఫీ లేలే రే అంటూ సాగే పాటకు చాలా దగ్గర ట్యూన్‌ తో తెలుగులో దించేశాడు థమన్.. మరీ పెద్ద హీరోలతో తీసేటప్పుడు కూడా.. టాప్ స్టార్ల సాంగ్స్ ఎత్తుకొచ్చేస్తే.. ఫ్యాన్స్ హర్ట్ అవుతారు థమన్‌. ఇక దీనిపై మనోడు ఎలా స్పందిస్తాడో చూడాలి.