బికినీతో తెలుగు పిల్ల రోజులు మారతాయా!!

తెలుగమ్మాయిలకు గతంలో మన టాలీవుడ్ జనాలు అసలు అవకాశాలు ఇచ్చేవారు కాదు కానీ.. ఇప్పుడు అంతో ఇంతో ఛాన్సులు మాత్రం వస్తున్నాయి. పక్క భాషల భామలకు ఇచ్చినట్లుగా ప్రిఫరెన్స్ అయితే ఇవ్వడం లేదు కానీ.. అవకాశాలు దక్కుతున్న మాటైతే నిజమే. అలాంటి వాటిని ఒడిసి పట్టుకుని తన కెరీర్ ని గాడిలో పెట్టుకునేందుకు తేజస్వి మదివాడ బాగానే ప్రయత్నిస్తోంది.

వర్మ సినిమాలో ఐస్ క్రీమ్ పాపగా కనిపించినా అంతగా ఉపయోగం లేకపోవడంతో.. ఆ తర్వాత చిన్నా చితకా పాత్రలకు పరిమితం అయిపోయింది ఈ చిన్నది. ఈ మధ్య మరీ నాసిరకం అంటే సింగిల్ సీన్ లో మాత్రమే ఉండి ఒక్క డైలాగ్ కూడా లేని పాత్రల్లో కూడా కనిపించింది. ఇప్పుడు రోజులు మారాయి అంటూ మరోసారి హీరోయిన్ గా ప్రేక్షకుల ముందుకు వస్తోంది.

జూలై 1న విడుదల కానున్న ఈ మూవీ కోసం తేజస్వి బికినీలో కూడా దర్శనమిచ్చింది. తనకు జోడీగా నటించిన కుర్రాడితో స్విమ్మింగ్ పూల్ లో సరసాలు కూడా ఆడింది. దిల్ రాజు సమర్పణలో - మారుతి టాకీస్ సౌజన్యంతో.. మారుతి అందించిన కథ-స్క్రీన్ ప్లేలతో రూపొందింది ఈమూవీ. మరి ఈ బికినీతో అయినా తెలుగమ్మాయి రోజులు మారతాయో లేదో!