తాప్సీ ఆప‌రేష‌న్ గురించి తెలిస్తే ఔరౌరా అని షాక్ తింటారు!

ట్యాలెంటెడ్ తాప్సీ పన్నూ డేర్ యాక్ట్ గురించి తెలిస్తే ఆశ్చ‌ర్య‌పోకుండా ఉండ‌లేం. ఈ భామ ఇటీవ‌ల అసాధార‌ణ సాహ‌సాల‌కు సిద్ధ‌మ‌వుతున్న దృశ్యాలు అంత‌ర్జాలంలో అభిమానుల్ని ఆశ్చ‌ర్య‌ప‌రుస్తున్నాయి. ఒక పర్ఫెక్ట్ అథ్లెట్ త‌ర‌హాలో తాప్సీ ఫీట్స్ చూస్తుంటే ఔరా! అని ముక్కున వేలేసుకుంటున్నారు.

తాజాగా తాప్సీ రివీల్ చేసిన ఓ సంగ‌తి అభిమానుల్ని షాక్ కి గురి చేస్తోంది. తాప్సీ స్వ‌యంగా ఇన్ స్టా వేదిక‌గా ఒక అరుదైన‌ చిత్రాన్ని పంచుకున్నారు. ఆమె ఇలా హార్డ్ గా తన శిక్షణను ప్రారంభించడానికి వారాల ముందు అనారోగ్య సిరలు (వెరికోసిల్ వెయిన్ ) తొల‌గించిన విష‌యాన్ని గుర్తు చేసుకున్నారు.

తాప్సీ ఇన్ స్టాగ్రామ్ లో ఒక చిత్రాన్ని పోస్ట్ చేసారు. నల్లటి టీ షర్టు ధరించి జిమ్ లో క‌ఠోరంగా శ్ర‌మిస్తోంది ఈ ఫోటోలో. ``నేను ఈ చిత్రాన్ని చూసినప్పుడు.. శిక్షణ ప్రారంభించడానికి 6 వారాల ముందు నా అనారోగ్య సిరలు ఎలా పనిచేశాయో.. ఎలా తొలగించబడ్డాయో నాకు గుర్తుంది. ఇప్పుడు ఆ మచ్చలు కంటికి ఇంపుగా క‌నిపించ‌వు`` అని ఆమె వ్యాఖ్య‌ను జోడించింది.

సిరలు విస్తరించి విడివ‌డి రక్తంతో నిండినప్పుడు అనారోగ్య సిరలు సంభవిస్తాయి. తాప్సీ తన త‌దుప‌రి చిత్రం `రష్మి రాకెట్` కోసం చాలా కష్టపడుతోంది. ఈ మూవీలో రన్నర్ పాత్ర పోషిస్తోంది. ర‌న్ ఆఫ్ కచ్ నుండి రన్నర్ గా అథ్లెట్ గా ఎదిగేందుకు ప్ర‌య‌త్నించే పెళ్ల‌యిన యువ‌తిగా క‌నిపించ‌నుంది. ఆమె తన గుర్తింపు కోసం పోరాడుతుంది. చివ‌రికి అథ్లెట్ అవుతుంది. ఆకర్ష్ ఖురానా దర్శకత్వం వ‌హిస్తుండ‌గా.. తాప్సీ భర్తగా ప్రియాన్షు పెన్యూలీ నటిస్తున్నారు.