అర‌వోళ్ల నోళ్లు మూయించిన ప్రేమ‌మ్‌

త‌మిళ సినిమాలు కేర‌ళ‌లో బాగా ఆడ‌తాయి. అలాగే మ‌ల‌యాళ సినిమాల‌కు కూడా త‌మిళ‌నాట మంచి ఆద‌ర‌ణే ఉంటుంది. గ‌త ఏడాది మ‌ల‌యాళ మూవీ ప్రేమ‌మ్ అయితే త‌మిళ‌నాట ఇర‌గాడేసింది. ఒక మల్టీప్లెక్సులో అయితే ఏకంగా 200 రోజులు న‌డిచింది. అంత‌గా ప్రేమ‌మ్ త‌మిళ ప్రేక్ష‌కుల‌కు న‌చ్చింది. ఐతే ఈ న‌చ్చ‌డం వ‌ర‌కు బాగానే ఉంది కానీ.. ఈ చిత్రాన్ని తెలుగులోకి రీమేక్ చేయ‌డ‌మే అర‌వోళ్ల‌కు న‌చ్చ‌లేదు. అప్ప‌ట్లో ప్రేమ‌మ్ మీద సాగిన నెగెటివ్ ప్ర‌చారంలో కీల‌క పాత్ర అర‌వోళ్ల‌దే. ఈ సినిమా తెలుగులో ఆడ‌ద‌ని.. రీమేక్ చేయ‌డం పెద్ద బ్లండ‌ర్ అని అదే ప‌నిగా సోష‌ల్ మీడియాలో ప్ర‌చారం మొద‌లుపెట్టారు త‌మిళ నెటిజ‌న్లు.

మామూలుగానే త‌మిళ‌నాట సోష‌ల్ మీడియా ట్రోల్స్ బాగా ఎక్కువ‌. హీరోల అభిమానులు ప‌ర‌స్ప‌రం బుర‌ద చ‌ల్లుకోవ‌డం.. మ‌రీ దిగ‌జారి ప్ర‌వ‌ర్తించ‌డం అక్క‌డ కామ‌న్. అయితే వాళ్ల సినిమాల విష‌యంలో ఎలా రియాక్ట‌యితే కానివ్వండి. కానీ ప్రేమమ్ సినిమాను తెలుగులో రీమేక్ చేస్తే ఎందుకంత ఓవ‌ర్ రియాక్ట‌య్యారో అర్థం కాలేదు. ముఖ్యంగా శ్రుతి హాస‌న్ ను టార్గెట్ చేసుకుని అదే ప‌నిగా ట్రోలింగ్ చేయ‌డమే చిత్రం. ఎవ‌రే పాట రిలీజైన‌పుడు ఆమెతో పాటు చైతూ హావ‌భావాల గురించి కూడా విమ‌ర్శ‌లు గుప్పించారు. నివిన్ పౌలీ.. సాయిప‌ల్ల‌విలతో పోలుస్తూ వీళ్ల‌ను కించ‌ప‌రిచే ప్ర‌య‌త్నం చేశారు.

మ‌ల‌యాళ ప్రేక్ష‌కులు సైలెంటుగా ఉంటే అర‌వోళ్లు ఇలా అతి చేశారు. సీన్ క‌ట్ చేస్తే ఇప్పుడు ప్రేమ‌మ్ రిలీజైంది. తెలుగు ప్రేక్ష‌కుల‌కు బాగా నచ్చింది. చ‌క్క‌టి రీమేక్ అంటూ అంద‌రూ ప్ర‌శంసిస్తున్నారు. ఒరిజిన‌ల్ చూసిన వాళ్ల‌కూ ఈ సినిమా న‌చ్చుతోంది. సినిమా పెద్ద రేంజికి వెళ్తోంది. విమ‌ర్శ‌కులు సైతం ఈ సినిమాను కొనియాడుతున్నారు. చెన్నైలో సైతం సినిమా బాగా ఆడుతోంది. మ‌రి అప్పుడు ఎగిరెగెరి ప‌డ్డ అర‌వ జ‌నాలు ఇప్పుడేమంటారో చూడాలి.

Like Us on Facebook : https://www.facebook.com/Tupakidotcom/