స్పీడున్నోడుకి మిల్కీ గోల్డెన్ లెగ్గా?

బెల్లంకొండ శ్రీనివాస్ - సోనారియా భడోరియా హీరో హీరోయిన్లుగా నటించిన స్పీడున్నోడు విడుదలకు మరొక్క రోజు మాత్రమే గ్యాప్ ఉంది. అందుకే ప్రమోషన్స్ విషయంలో చాలా స్పీడ్ పెంచేశాడు ప్రొడ్యూసర్ కం డైరెక్టర్ భీమినేని శ్రీనివాసరావు. ఇదో రీమేక్ సినిమా అయినా సరే స్ట్రయిట్ సినిమా రేంజ్ లో ప్రమోషన్ చేస్తున్నారు. అయినా రీమేక్ ల విషయంలో భీమినేనికి చాలా ట్యాలెంట్ ఉంది.

ఈ మూవీలో హీరోయిన్ సోనారికా భడోరియా అయినా.. ఆ భామ అంత ఎక్కువగా కనిపించలేదు. ఆడియో వేడుకలో అయితే అరడజన్ మంది కుర్ర భామలను పెట్టి లాగించేశారు. ఇప్పుడు ప్రమోషన్ ఈవెంట్లలో సోనారిక పాల్గొంటున్నా.. యూనిట్ కూడా తమన్నా మీదే ఎక్కువ కాన్సన్ ట్రేట్ చేసింది. యాడ్స్‌ లో కూడా తమన్నా స్టిల్సే ఎక్కువగా కనిపిస్తున్నాయి. ఎక్కడ చూసినా మిల్కీ బ్యూటీ చేసిన ఐటెం సాంగ్‌ గురించి తెగ వాడుకుంటున్నారు.

ముందుగా ఇన్ ఫర్మేషన్ లేకపోతే.. తమన్నా హీరోయిన్ అనుకునే ఛాన్స్ కూడా ఉంతగా.. తమ్మూ ఫోటోలు - వీడియోలతో ఊదరగొట్టేస్తున్నారు. ఒకవైపు బెల్లంకొండకి తమ్మూ అచ్చొచ్చిన హీరోయిన్ ఒక కారణమైతే.. బాహుబలి - బెంగాల్ టైగర్‌ తో తమన్నా గోల్డెన్‌ లెగ్‌ లా మారిపోయిందని ఇండస్ట్రీ జనాలు అనుకుంటున్నారు. మిల్కీ అందాలను ఆరబోసిన ఈ రెండు సినిమాలు పెద్ద హిట్స్ అయ్యాయి. మరీ రేపు తనకి కూడా తమన్నా సక్సెస్‌ అందిస్తుందని స్పీడున్నోడు బోలెడు హోప్స్ పెట్టేసుకున్నాడు.