తమన్నాకి గుర్తుండిపోయేలా చేశారు..!

మిల్కీ బ్యూటీ తమన్నా లేటెస్ట్ మూవీ గుర్తుందా శీతాకాలం. ఈ మూవీలో సత్యదేవ్ సరసన హీరోయిన్ గా నటించింది తమన్నా. తానొక స్టార్ హీరోయిన్ యువ హీరో తో జోడీ కట్టడం ఎందుకు అని బేషజాలు ఏమి లేకుండా వచ్చిన ఛాన్స్ ని వాడేసుకుంది. ఈ టైం లో అమ్మడికి ఇలాంటి ఛాన్సులే కెరీర్ కి ఇంకాస్త బూస్టప్ ఇస్తాయని చెప్పొచ్చు. ఇదిలాఉంటే గుర్తుందా శీతాకాలం సినిమా పూర్తయితే చేసింది కానీ సినిమా ప్రమోషన్స్ లో మాత్రం మొహం చాటేసింది అమ్మడు. సినిమా టీజర్, ట్రైలర్ రిలీజ్ టైం లో సత్యదేవ్ తో పాటుగా అందులో మరో హీరోయిన్ గా చేసిన మేఘా ఆకాష్ మాత్రమే అటెండ్ అయ్యారు.

కేవలం ప్రీ రిలీజ్ ఈవెంట్, ఒకటి రెండు ఇంటర్వ్యూస్ అది కూడా రిలీజ్ కి ఒకటి రెండు రోజుల ముందు తమన్నా వచ్చి పాల్గొన్నది. అసలు తమన్నా ఎందుకు ఇలా చేసింది అంటే సినిమాలో ఆమె పాత్ర నచ్చకపోవడమే అని అంటున్నారు.

అదేంటి సినిమా కథ విన్న టైం లోనే నచ్చుతుందా లేదా అన్నది తెలుస్తుంది కదా తను చేయనంటే బలవంత పెట్టరు కదా అని అనుకోవచ్చు. సినిమాలో తమన్నాదే మెయిన్ లీడ్ రోల్. అయితే సినిమాలో క్యాన్సర్ పేషంట్ గా గుండుతో కూడా తమన్నా నటించింది. ఆ సన్నివేశాలు చేసే టైం లో పెద్దగా ఏమి అనిపించలేదు కానీ ఈ టైం లో ఇలాంటి డీ గ్లామరస్ రోల్స్ లో నటిస్తే కెరీర్ మీద ఎఫెక్ట్ అవుతుందని భావిస్తుంది తమన్నా.

అందుకే గుర్తుందా శీతాకాలం అనే సినిమా తను చేసిందా అన్న విషయాన్ని కూడా మర్చిపోయింది. మళ్లీ సినిమా రిలీజ్ టైం లో కూడా ప్రమోషన్స్ కి అటెండ్ కాకపోతే అలా కూడా తనని బ్యాడ్ చేస్తానని ఫైనల్ గా అమ్మడు ప్రమోషన్స్ కి వచ్చింది. సో గుర్తుందా శీతాకాలం సినిమాకు తమన్నా కాంట్రిబ్యూషన్ బాగానే ఉన్నా పాత్రని సరిగా చూపించలేకపోయారు అన్న అసంతృప్తి అయితే ఆమెకు ఉంది.  

ఆ కారణాల చేతనే ఆ సినిమా ప్రమోషన్స్ ని తమన్నా పెద్దగా పట్టించుకోలేదు. అయితే తమన్నా మాత్రం దీన్ని అంత పెద్దగా హైలెట్ చేయదలచు కోలేదు అందుకే ముందు కొద్దిగా బెట్టు చేసినా రిలీజ్ టైం కి అర్ధం చేసుకుని చిత్ర యూనిట్ కి సపోర్ట్ చేసింది. అందుకే తమన్నాని అందరు ఇష్టపడుతున్నారని చెప్పొచ్చు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.