బ్రూస్‌ లీ సాంగ్‌? ఫేక్‌ న్యూస్‌ -తమన్నా

బ్రూస్ లీ సినిమాలో నన్ను ఎవరూ కాంటాక్ట్ కూడా చేయలేదు. అంతా ఫేక్ న్యూస్.. ఇదీ తాజాగా తమన్నా ట్వీట్ చేసిన లైన్. చిరు పక్కన చిందేయబోతోందంటూ వస్తున్న వార్తలకు.. ఒక్క ట్వీట్ తో ఖండించింది మిల్కీ బ్యూటీ.

శ్రీనువైట్ల, రామ్ చరణ్ కాంబినేషన్ లో వస్తున్న మూవీలో మెగాస్టార్ గెస్ట్ రోల్ లో కనిపించనున్నారు. ఈయనపై ఓ పాట చిత్రీకరించేందుకు యూనిట్ రెడీ అవుతోంది. ఈ సాంగ్ లో డ్యాన్స్ చేయాల్సిందిగా మొదట ఇలియానాని అడిగారని .. అయితే ఆ బక్క భామ ఏకంగా కోటిన్నర అడిగేపాటికి సైలెంట్ అయ్యారని టాక్.

ఓ అదిరిపోయే బీట్ కు తోడు.. చిరు పక్కన మంచి ఎనర్జిటిక్ హీరోయిన్ ఉంటే.. ఆ సాంగ్ మరింత ఎఫెక్టివ్ గా ఉంటుంది. అందుకే తమన్నాలాంటి సూపర్బ్ డ్యాన్సర్ ని ఫిక్స్ చేశారంటూ వార్తలు తారా స్థాయికి చేరాయి. ఇవన్నీ పుకార్లే అంటూ తేల్చేసింది తమ్మూ. వచ్చేవారం చిరంజీవి షూటింగ్ లో పాల్గొనబోతున్నారు. కాబట్టి ఈలోపే... ఆయనకు జంటను వెతికేస్తున్నారు యూనిట్.