అతడి పక్కన తమన్నానా?

ఓ మోస్తరు కలర్ ఉన్న వాళ్ల పక్కన తమన్నా నిలుచుంటేనే అదోలా అనిపిస్తుంది. అలాంటిది నల్లగా ఉండే హీరో పక్కన హీరోయిన్ గా అంటే చూడ్డానికి కొంచెం ఎబ్బెట్టుగానే అనిపిస్తుంది. కానీ తమ్మూ మాత్రం అలాంటి ఆలోచనేమీ లేకుండా తమిళ నటుడు విజయ్ సేతుపతి సరసన నటించడానికి ఓకే చెప్పేసింది. ముందు క్యారెక్టర్ రోల్స్.. ఆ తర్వాత చిన్న సినిమాల్లో హీరో రోల్స్ చేసి మంచి పేరు సంపాదించిన విజయ్ సేతుపతి.. ఇటీవలే ‘నానుమ్ రౌడీ దా’తో బ్లాక్ బస్టర్ హిట్టు కొట్టాడు. నయనతార లాంటి పెద్ద హీరోయిన్ తో అతను నటించడం కూడా ఇదే తొలిసారి.

నయన్ నటించగా లేనిది నేనేంటి అనుకందేమో తమ్మూ.. విజయ్ సేతుపతి పక్కన హీరోయిన్ ఛాన్స్ అనగానే వెనుకంజ వేయలేదు. ఒకప్పుడు తమిళంలో చక్రం తిప్పిన తమ్మూ.. మూణ్నాలుగేళ్లుగా తెలుగు సినిమాల మీదే దృష్టిసారిస్తోంది. ఈ మధ్య ఆర్య పక్కన ఆమె నటించిన ‘వీఎస్ ఓపీ’ ఓ మోస్తరుగా సక్సెస్ అయింది. మళ్లీ తమిళంలో బ్రేక్ కోసం చూస్తున్న తమ్మూ.. ఫామ్ లో ఉన్న విజయ్ సేతుపతితో చేయబోయే సినిమా మీద భారీ ఆశలే పెట్టుకుంది. ధర్మదురై పేరుతో తెరకెక్కనున్న ఈ చిత్రానికి శీను రామసామి దర్శకత్వం వహిస్తున్నాడు.