కోహ్లీతో లండన్ లో తమన్నా

బాహుబలి2 ఎంతటి ఘనవిజయం సాధించినా.. ఆ క్రెడిట్ లో పిసరంత కూడా మిల్కీ బ్యూటీ తమన్నా భాటియాకు దక్కలేదు. బాహుబలి మొదటి భాగంలో అవంతికగా మెరుపులు మెరిపించిన ఈమె.. రెండో భాగానికి వచ్చేసరికి ఆన్ స్క్రీన్ పై మరీ నామమాత్రంగా కనిపించింది. కొన్ని ఫ్రేమ్స్ మినహాయిస్తే.. బాహుబలి2లో తమన్నా కనిపించినదే లేదు. దీంతో కొంత బాధ పడిన తమన్నా.. ఇప్పుడు దాన్నుంచి బయటపడి కొత్త తెలుగు సినిమా షూటింగ్ మొదలుపెట్టేసింది.

బాలీవుడ్ దర్శకుడు కునాల్ కోహ్లీ డైరెక్షన్ లో ఓ తెలుగు సినిమా రూపొందుతున్న సంగతి ఇప్పటికే చెప్పేసుకున్నాం. ఈ మూవీలో సందీప్ కిషన్ హీరో కాగా.. ప్రస్తుతం ఈ మూవీ షూటింగ్ ప్రారంభించేశారు. కథ ప్రకారం.. ఈ మూవీ ఎక్కువ భాగం లండన్ లో జరనుందని తెలుస్తోంది. అందుకే.. ఇప్పటికే మిల్కీ లండన్ లో వాలిపోయి షూటింగ్ స్టార్ట్ చేసేసిందట. తమన్నా పై తీసే పలు సన్నివేశాలను దర్శకుడు కునాల్ కోహ్లీ చిత్రీకరించేస్తున్నాడు కూడా. లండన్ లో ఈ సినిమా కోసం సుదీర్ఘమైన షెడ్యూల్ ప్లాన్ చేశారని అంటున్నారు.

సందీప్ కిషన్ కూడా త్వరలోనే లండన్ కు బయల్దేరనున్నాడని తెలుస్తోంది. కృష్ణవంశీ దర్శకత్వంలో రూపొందుతున్న నక్షత్రం షూటింగ్ పార్ట్ ను పూర్తి చేయగానే.. లండన్ లో వాలిపోతాడట సందీప్ కిషన్.

Like Us on Facebook : https://www.facebook.com/Tupakidotcom/