తమన్నాకి పెళ్లిచూపులు ఫిక్స్ అయ్యాయ్

మిల్కీ బ్యూటీ తమన్నా అప్పుడే పెళ్లి రూట్లోకి వచ్చేసిందా అనుకోవాల్సిన పనేమీ లేదు. ఇప్పట్లో అలాంటి ఆలోచనలు ఏమీ లేవని తెగేసి చెప్పేసింది తమ్మూ. ఇది పెళ్లి చూపులు రీమేక్ కి సంబంధించిన విషయం. తెలుగులో చిన్న సినిమాగా వచ్చి సెన్సేషనల్ బ్లాక్ బస్టర్ అయిన మూవీ పెళ్లి చూపులు.

ఈ పెళ్లిచూపులు చిత్రాన్ని దక్షిణాదిలో ఇతర భాషల్లోకి రీమేక్ చేసేందుకు చాలా మంది ఉత్సాహం చూపించారు. తమిళ్ రైట్స్ ను దిగ్గజ దర్శకుడు గౌతమ్ మీనన్ సొంతం చేసుకున్న సంగతి తెలిసిందే. ఇప్పుడీ పెళ్లి చూపులు రీమేక్ పై అఫీషియల్ అనౌన్స్ మెంట్ చేసిన గౌతమ్ మీనన్.. హీరోయిన్ గా తమన్నాను ఫైనల్ చేసినట్లు చెప్పేశాడు. హీరో పాత్రకు ఇంకా ఎవరినీ తీసుకోలేదు కానీ.. తెలుగులో రీతు వర్మ చేసిన పాత్రను తమిళ్ లో మిల్కీతో చేయించబోతున్నట్లు చెప్పాడు గౌతమ్ మీనన్.

పెళ్లిచూపులు రీమేక్ తో.. తమన్నా చేతికి మరో ప్రామిసింగ్ సబ్జెక్ట్ చేరినట్లయింది. అయితే.. ఈ మూవీకి గౌతమ్ మీనన్ దర్శకత్వం వహించబోవడం లేదు. ఈయన కేవలం నిర్మాత కాగా.. సెంథిల్ వీరాస్వామి దర్శకత్వంలో తమిళ్ పెళ్లి చూపులు తెరకెక్కనుంది. హీరోతో సహా ఇతర వివరాలు త్వరలో వెల్లడిస్తామని చెప్పాడు గౌతమ్ మీనన్.

Like Us on Facebook : https://www.facebook.com/Tupakidotcom/