గంగలో కామెంట్రీ కళలు కూడా

కాంచన2 ఎలియాస్‌ ''గంగ''లో నటించిన తర్వాత తాప్సీ పన్ను రేంజ్ బాగా పెరిగిపోయింది. ఆఫర్స్ వరుసగా వస్తున్నా.. సెలక్షన్ మాత్రం జాగ్రత్తగా చేసుకుంటోంది. అదే టైంలో పెద్ద పెద్ద బ్యానర్లలో నటిస్తోందన్న వార్తలను అడ్డంగా ఖండిస్తోంది. ఇప్పటికైతే తన చేతిలో రెండంటే రెండు సినిమాలు ఉన్నాయన్న ఈ సుందరి.. ఇప్పుడు కొత్త అవతారంలోనూ అదరగొట్టేసింది.

''గంగ''లో భయానకం కళను ఎంత చక్కగా చూపించిందో.. ఇప్పుడు కామెంట్రీలో నూ అంతే ట్యాలెంట్ చూపించింది ఈ ఢిల్లీ బేబీ. సీసీఎల్ మ్యాచ్ లకు హాజరైన తాప్సీ పన్ను.. మధ్యమధ్యలో రన్నింగ్ కామెంటరీ కూడా ఇచ్చింది. ప్రొఫెషనల్ కామెంటేటర్ కి ఏ మాత్రం తీసిపోని రేంజ్ లో తాప్సీ కామెంట్రీ ఇవ్వడం అందరినీ ఆశ్చర్యపరిచింది. బేసిక్ గా క్రికెట్ అంటే తాప్సీకి చాలా ఇష్టం ఉండడం కూడా ఇందుకు కారణమే అని చెప్పచ్చు.

అయితే తాప్సీతో పాటు కామెంట్రీ ఇచ్చిన తోడి కామెంటేటర్ సిద్ధార్ధ్ కన్నన్.. ఇక ఇలా అయితే నేను వేరే ఉద్యోగాలు చూసుకోవాల్సిందే అని ట్వీట్ చేయడం విశేషం. ఇక నా బిజినెస్ మూతపడ్డట్టే అంటూ తాప్సీని తెగ పొగిడేశాడీయన. ముందునుంచే తాప్సీ ఆల్టర్నేటివ్ పొజిషన్స్ బాగానే వెతికేసుకుంటోంది. ఇప్పుడంటే క్రేజ్ ఉంది.. ఇంకొన్నేళ్లు కంటిన్యూ అయిపోతుంది. తీరా ఛాన్సులు తగ్గిపోయాక.. అందమైన కామెంటేటర్ గా కంటిన్యూ అయపోతుందేమో.