సైరా..చిరునవ్వుతో చిరు శుభాకాంక్షలు!

మెగాస్టార్ చిరంజీవి హీరోగా సురేందర్ రెడ్డి దర్శకత్వంలో తెరకెక్కుతున్న భారీ బడ్జెట్ చారిత్రాత్మక చిత్రం 'సైరా'. వచ్చేనెలలో ప్రేక్షకుల ముందుకు రానున్న ఈ చిత్రంపై ప్రేక్షకులలో భారీ అంచనాలే ఉన్నాయి. ఈమధ్యే రిలీజ్ అయిన 'సైరా' ట్రైలర్ ప్రేక్షకుల అంచనాలను అందుకుంది. తాజాగా 'సైరా' టీమ్ వినాయక చవితి సందర్భంగా ఒక కొత్త పోస్టర్ విడుదల చేశారు.

మెగా పవర్ స్టార్.. 'సైరా' నిర్మాత రామ్ చరణ్ తన ఇన్స్టా ఖాతా ద్వారా ఈ పోస్టర్ ను పోస్ట్ చేసి "మీకు, మీ కుటుంబ సభ్యులకు నా హృదయపూర్వక వినాయక చవితి శుభాకాంక్షలు... #సైరా #సైరా నరసింహారెడ్డి #గణేష్ చతుర్థి" అంటూ క్యాప్షన్ ఇచ్చారు. ఇక పోస్టర్ లో చిరు ఉయ్యాలవాడ నరసింహారెడ్డి గెటప్ లో గంభీరంగా కనిపిస్తున్నప్పటికీ ఒక ఛార్మింగ్ స్మైల్ ఇస్తున్నారు. నుదుటిన తిలకం.. పొడవాటి జుత్తు.. గడ్డం ఉండడంతో మెగాస్టార్ డిఫరెంట్ గా కనిపిస్తున్నారు.

ఈ చిత్రంలో నయనతార.. తమన్నా.. సుదీప్.. విజయ్ సేతుపతి.. అమితాబ్ బచ్చన్.. జగపతి బాబు.. రవి కిషన్ ఇతర కీలక పాత్రల్లో నటిస్తున్నారు. ఈ చిత్రానికి జూలియస్ పకియం నేపథ్య సంగీతం అందిస్తుండగా.. అమిత్ త్రివేది బాణీలు అందిస్తున్నారు.