కల్లు పోసి మత్తెక్కిస్తున్న సన్నీ

సీనియర్ హీరో రాజశేఖర్ తన కెరీర్ ను మళ్లీ గాడిలో పెట్టేందుకు గట్టిగానే ప్రయత్నిస్తున్నాడు. గుంటూరు టాకీస్ తో కమర్షియల్ హిట్ కొట్టిన ప్రవీణ్ సత్తారు దర్శకత్వంలో.. పీఎస్వీ గరుడవేగ అనే యాక్షన్ మూవీ చేస్తున్నాడు రాజశేఖర్. ఈ మూవీ నిర్మాతకు మధ్యలో పెట్టుబడి కష్టాలు వచ్చినా.. జీవిత స్వయంగా నిర్మాణాన్ని చేతిలోకి తీసేసుకున్నారనే టాక్ కూడా ఉంది.

ఈ సినిమాకి అదనపు ఆకర్షణ కోసం.. బాలీవుడ్ బ్యూటీ కం మాజీ పోర్న్ స్టార్ సన్నీ లియోన్ తో ఓ స్పెషల్ కేరక్టర్ చేయించారు. పేరుకు ఇలా కేరక్టర్ అంటారు కానీ.. సన్నీని తీసుకునేది ఐటెం సాంగ్ చేయించడానికే అనడంలో ఎలాంటి డౌట్స్ అక్కర్లేదు. ప్రస్తుతం ఈ మూవీ షూటింగ్ ముంబైలోని ఫిలిం సిటిలో జరుగుతోంది. ఓ కల్లు దుకాణం సెట్ వేసి మరీ షూటింగ్ చేస్తున్నారు సత్తారు అండ్ టీం.

ఐటెం సాంగ్ అంటే యధావిధిగా సన్నీ అందాల మోత ఖాయమే. దీనికి తోడు కల్లు దుకాణంలో పాట అంటే.. ఎంత నాటుగా ఉంటుందో ప్రత్యేకించి చెప్పాల్సిన పనేమీ లేదు. తన అందాల మోతను మాత్రం రివీల్ చేయకుండా.. టీం మధ్యలో నుంచుని.. ఎంచక్కా దాక్కుని మరో ఓ ఫోటో తీసి నెట్ లో పెట్టేసింది సన్నీలియోన్. ఈ షూటింగ్ స్పాట్ నుంచి సన్నీ రోజుకో ఫోటో ట్వీట్ చేస్తుండడం విశేషం.

Like Us on Facebook : https://www.facebook.com/Tupakidotcom/