కోవై సరళని మించిపోయిన సునీత

ఫ్యాన్స్ ని అలరించడానికి పద్ధతులు ఏమి? ఇంతకుముందైతే సినిమాలు ఒక్కటే. ఇప్పుడైతే.. ట్విట్టర్ అనీ, యాడ్స్ అనీ, రియాల్టీ షోస్ అని.. రకరకాలుగా అభిమానులకు ఆనందం పంచచ్చు. ఇలాంటి వాటిలో చివరగా వచ్చిన ట్రెండ్ డబ్ స్మాష్. దీన్ని ఇప్పటివరకూ చాలామంది స్టార్స్ ఫాలో అయ్యారు. ఓ సూపర్ డైలాగ్ కి డబ్ స్మాష్ చెప్పేసి, ఆన్ లైన్ లో పోస్ట్ చేసేస్తున్నారు. రీసెంట్ గా సింగర్ సునీత.. యూట్యూబ్ లో పోస్ట్ చేసిన ఓ వీడియో ఇప్పుడు సెన్సేషన్ అయిపోయింది.

సునీత ఉపద్రష్ట అంటూ తన పేరుతోనే ఓ ఛానల్ నిర్వహిస్తోంది పాటల పల్లకి. పాట పాడుతూ కాఫీ పెట్టడం వంటి చిన్న చిన్న వీడియోల నుంచి, సినిమాల్లో తన సాంగ్స్ ని కూడా పోస్ట్ చేస్తూ ఉంటుంది. అలాగే రీసెంట్ కోవై సరళ డైలాగ్స్ కి తన స్టయిల్ లో డబ్ స్మాష్ చెప్పేసింది సునీత. క్షేమంగా వెళ్లి లాభంగా రండి మూవీలో కోవై, బ్రహ్మీల పాత్రల మధ్య నడిచే డైలాగ్స్ కు సునీత డబ్ స్మాష్ చెప్పింది. కొన్ని చోట్ల సరళను ఇమిటేట్ చేసింది. కొన్ని చోట్ల తన స్టయిల్ లో యాక్టింగ్ చేసింది.

రెండున్నర నిమిషాల వీడియోలో.. సునీత ఇచ్చిన ఫీలింగ్స్ చూసిన ఎవరికైనా.. ఈమె కేవలం సింగర్ అంటే నమ్మబుద్ధేయదు. అంతగా ఆ డైలాగ్స్ కి తన యాక్టింగ్ తో ప్రాణం పోసేసింది. పాటలు పాడడమే కాదు.. తనలో ఉన్న మరో యాంగిల్ ని ఇలా బయటపెట్టి సెన్సేషన్ సృష్టించింది సింగర్ కం డబ్ స్మాషర్ సునీత.