వర్మని తీసిపాడేసిన సునీల్‌!!

రామ్‌ గోపాల్‌ వర్మ డైరక్షన్‌ లో ఒక సినిమాలో నటించడమే తన జీవితానికి అతి పెద్ద ఎచీవ్మెంట్‌ అంటూ చెప్పుకొచ్చాడు హీరో సునీల్‌. ఇప్పుడు కృష్ణాష్టమి రిజల్టు ఎలా ఉన్నా కూడా.. వర్మ తనతో తీసిన ''కథ స్ర్కీన్‌ ప్లే దర్శకత్వం అప్పల్రాజు'' సినిమా మాత్రం జీవితంలో అత్యంత అద్భుతమైన అనుభూతి అంటూ సునీల్‌ చెబుతుంటాడు. అటువంటి వర్మను ఇప్పుడు సునీల్ తీసిపాడేయడమేంటి?

అయితే సునీల్‌ తీసి పాడేసింది ఆ వర్మను కాదండోయ్‌. మనోడు కట్‌ చేయాల్సిన ఒక వర్మ గురించి కాస్త లేటుగా గ్రహించాడు. ఫేస్‌ బుక్‌ లో సునీల్‌ కు ఎప్పటినుండో ఒక అఫీషియల్‌ పేజ్‌ ఉంది. ''సునీల్‌ వర్మ'' పేరుతో ఆ పేజ్‌ ఉంటుంది. మనోడు ఇప్పుడు ఆ పేరు చివరన ఉన్న 'వర్మ' అనే తోకను కట్‌ చేసేసి.. సింపుల్‌ గా ''సునీల్‌'' చేశాడు. ఇప్పుడు సోషల్‌ నెట్ వర్క్‌ లలో ఇదే పెద్ద టాపిక్‌ అయి కూర్చుంది.

మామూలుగా దర్శకులకు ఇలాంటి తోకలు ఎలా ఉన్నా పర్లేదు కాని.. ఎందుకో హీరోలకు ఉంటే మాత్రం కాస్త కష్టమే.