జగడంతో ట్రైలర్ .. కుమారితో పూర్తి పైత్యం?

హీరో పాత్రలనే అత్యంత నెగటివ్ కోణంలో ఆవిష్కరించే సుకుమార్ లో దాగున్న మరో కోణం కూడా వుంది. అదే హీరోయిన్ ని టామ్ బాయ్ గా చూపించడం. నేటి తరం అమ్మాయిలు లంగావోణీలు, పట్టు పరికిణీలు ఎప్పుడో మర్చిపోయారని ఇప్పుడంతా ఫ్రీడమ్ ఆఫ్ లివింగ్ గా ఫీల్ అవుతున్నట్టు సుక్కు పలు సినిమాలలో చూపించాడు.

ఈ తరహా క్యారక్టర్ ని సుకుమార్ తన జగడం చిత్రంలో తెరకెక్కించాడు. మహేష్ బాబు ఫ్యాన్ గా రాసుకున్న హీరోయిన్ పాత్రని అంత బోల్డ్ గా అప్పటివరకూ మరే పెద్ద చిత్రంలోనూ రాసుకోలేదు. అయితే ఆ సినిమాలో హీరోకే పేరు రాలేదు గాబట్టి హీరోయిన్ గురించి పెద్ద ప్రస్తావన రాలేదు. అందుకే ఇప్పుడు ఇటువంటి క్యారక్టర్ నే లీడ్ రోల్ గా పెద్ద కధ రాసేసుకున్నట్టు 'కుమారి 21F' ట్రైలర్ లో ప్రత్యక్షంగా కనిపిస్తుంది. ఇటువంటి హీరోయిన్ పాత్రలకు జగడంతో ట్రైలర్ చూపిస్తే కుమారితో సుకుమార్ తన పూర్తి పైత్యం చూపించనున్నట్టు తెలుస్తుంది.