మహేష్ ఫ్యామిలీ నుంచి బాలయ్య విలన్

ఇజం మూవీ నిరుత్సహపరచడంతో.. కొత్త సినిమా విషయంలో తెగ కసరత్తులు చేసిన పూరీ జగన్నాథ్.. ఎట్టకేలకు నందమూరి బాలకృష్ణను ఒప్పించి.. ఆయన 101వ సినిమా తీసేస్తున్నాడు. తాజాగా ఈ మూవీ షూటింగ్ ప్రారంభం కాగా.. ఇప్పుడీ చిత్రంలో విలన్ పాత్రకు సూపర్ స్టార్ ఫ్యామిలీ నుంచి విలన్ ను తీసుకొచ్చాడనే న్యూస్ హల్ చల్ చేస్తోంది.

హీరోగా టాలీవుడ్ ను అలరిస్తున్న సుధీర్ బాబు.. మరోవైపు విలన్ పాత్రలతోనూ మెప్పిస్తున్నాడు. బాలీవుడ్ మూవీ బాఘీలో టైగర్ ష్రాఫ్ కు విలన్ గా నటించన సుధీర్ బాబును.. బాలయ్య సినిమాలో మెయిన్ విలన్ గా నటించేందుకు ఒప్పించాడట పూరీ. ఇప్పటికే బాలయ్యకు విలన్ గా నటించిన జగపతి బాబు రేంజ్ ఏ రేంజ్ లో టర్న్ అయిందో చూస్తూనే ఉన్నాం. ఇప్పుడు సుధీర్ బాబు కెరీర్ కూడా కొత్త మలుపు తీసుకోవడం ఖాయం అనే అంచనాలు ఏర్పడిపోయాయి.

సహజంగా విలన్ పాత్రను డిఫరెంట్ గా తీర్చిదిద్దుతాడు పూరీ జగన్నాధ్. హీరో పాత్రకు పోటా పోటీగా ఉండేలా విలన్ పాత్రను డిజైన్ చేయడం పూరీ స్పెషాలిటీ. అలాగే బాలకృష్ణ సినిమాల్లో కూడా విలన్ రోల్ కు చాలానే ఇంపార్టెన్స్ ఉంటుంది. ఇద్దరి కాంబినేషన్ లో వస్తున్న ప్రతిష్టాత్మకమైన చిత్రంలో సుధీర్ బాబుకు విలన్ రోల్ దక్కడం విశేషంగానే చెప్పుకోవాలి.

Like Us on Facebook : https://www.facebook.com/Tupakidotcom/