సుధ కొంగర పేరు 'ఆకాశమేహద్దుగా' మారుమోగుతోంది

సుధ కొంగర.. ఇప్పుడు ఈ పేరు దేశవ్యాప్తంగా వినిపిస్తున్నది. అందుకు కారణం ఆమె తెరకెక్కించిన ' ఆకాశమే నీ హద్దురా '(తమిళంలో సూరరై పొట్రూ) చిత్రం ఘనవిజయం సాధించడమే. ఓ మహిళా దర్శకురాలు తొలిసారి ఓ స్టార్​ ఇమేజ్​ ఉన్న హీరోను డైరెక్ట్​చేసి సక్సెస్​ కావడంతో ఆమెకు ప్రశంసలు దక్కుతున్నాయి. ఎయిర్​ ఇండియా వ్యవస్థాపకుడు కెప్టెన్​ గోపీనాథ్​ జీవితచరిత్ర ఆధారంగా సుధా కొంగర తెరకెక్కించిన ఆకాశమే నీ హద్దురా (తమిళంలో సూరరై పొట్రూ) చిత్రం పేరుతో విడుదలై ఘన విజయం సాధించింది.

ఓటీటీలో ద్వారా విడుదలైన ఆ చిత్రం విమర్శకుల ప్రశంసలు అందుకున్నది. సినిమా ఇండస్ట్రీలో మహిళా దర్శకులు చాలా అరుదు. వాళ్లు తీసేవన్ని కొత్త తరహా చిత్రాలు, ప్రయోగాత్మక చిత్రాలు కావడంతో స్టార్​హీరోలు వాళ్లకు అవకాశం ఇవ్వరు. కానీ తొలిసారి సుధ కొంగరకు తమిళ హీరో సూర్య అవకాశం ఇచ్చారు. మహిళ దర్శకురాలు కూడా స్టార్​ హీరోలతో డీల్​ చేయగలదని.. భారీ ప్రాజెక్టులను తీసుకోగలదని సుధ కొంగర నిరూపించింది. ‘సింప్లీ ఫ్లై’ అనే పుస్తకం ఆధారంగా ఈ చిత్రం తెరకెక్కింది. ఓ వ్యక్తి జీవితంలో జరిగిన ఎంతో నాటకీయంగా తెరకెక్కించడంతో సుధా కొంగర విజయం సాధించారు.

ప్రేక్షకుడికి ఏ మాత్రం బోర్​ కొట్టనీయకుండా సినిమాను ముందుకు నడిపించాలి. బయోపిక్​ను ఆసక్తికరంగా తెరకెక్కించడంలో సుధా కొంగర సక్సెస్​ అయ్యారు. చాలా సహజంగా తీస్తూనే ప్రేక్షకులకు ఏ మాత్రం బోర్​ కొట్టనివ్వకుండా సినిమాను తెరకెక్కించారు. సుధ.. ప్రముఖ దర్శకుడు మణిరత్నంతో కలిసి ఏడేళ్లు అసోసియేట్ డైరెక్టర్‌గా పనిచేసింది. 2016 లో ఆమె "సాలా ఖడూస్" చిత్రం ద్వారా హిందీ చిత్రసీమ లోకి అడుగుపెట్టింది. ఈ చిత్రం తమిళంలో "ఇరుది సుట్రు" గా విడుదల అయింది. ఈ చిత్రం ద్వారా తమిళంలో ఫిలింఫేర్ అవార్డు గెలుచుకున్నది.అదే సినిమా తెలుగులో వెంకటేష్ హీరోగా 'గురు'గా తెరకెక్కింది.