మాస్ రాజా 'ఖిలాడి' కోసం దిగిరానున్న కేజీఎఫ్ స్టార్స్..!!

సౌత్ ఇండియన్ కేజీఎఫ్ సినిమా దేశవ్యాప్తంగా ఎలాంటి భారీ హిట్ నమోదు చేసిందో అందరికి తెలిసిన విషయమే. అయితే ఈ సినిమా దర్శక నిర్మాతలు, హీరో యష్ లతో పాటు ఈ సినిమాలో భాగమైన ప్రతి ఒక్కరిని స్టార్ చేసింది కేజీఎఫ్. అలా కేజీఎఫ్ తో సూపర్ స్టార్స్ అయ్యారు ఫైట్ మాస్టర్స్ అన్బు-అరివు. కేజీఎఫ్ సినిమాలోని ఫైట్స్, హీరో ఎలివేషన్స్ ఓ రేంజిలో ఉన్నాయంటే దానికి కారణం వీరిద్దరే. అయితే వీరిద్దరూ ఇప్పుడు సౌత్ ఇండస్ట్రీ స్టార్ హీరోలందరి సినిమాలకు ఫైట్స్ డిజైన్ చేస్తున్నారు. తాజాగా అన్బు-అరివు తెలుగులో తెరకెక్కనున్న ఓ భారీ సినిమాకి పని చేయనున్నట్లు తెలుస్తుంది.

మాస్ మహారాజ్ రవితేజ.. డిస్కోరాజా ప్లాప్ తర్వాత ఏ మాత్రం నిరుత్సాహపడకుండా సినిమాల వరుసగా లైన్లో పెడుతున్నాడు. అందులో ఒకటి ఖిలాడి. రాక్షసుడు ఫేమ్ రమేష్ వర్మ దర్శకత్వంలో ఈ సినిమాను ఓ భారీ యాక్షన్ సినిమాగా రూపొందించే ఆలోచనలో ఉన్నారు నిర్మాతలు. అయితే యాక్షన్ ఫిల్మ్ కాబట్టి ఇప్పటికే ఈ సినిమాకోసం భారీ జైలు సెట్ కూడా వేశారు. అక్కడే మెయిన్ యాక్షన్ పార్ట్, ఫైట్స్ షూట్ చేస్తారట. అయితే ఫైట్ మాస్టర్స్ గా రామ్-లక్ష్మణ్ లను ఓకే చేసినప్పటికి.. యాక్షన్ సీన్స్, ఫైట్స్ సన్నివేశాలను తారాస్థాయికి తీసుకెళ్లడానికి అన్బు-అరివు లను ఆన్ బోర్డు చేసినట్లు సమాచారం. ఇక వీరు రూపొందించబోయే ఫైట్స్, యాక్షన్ పార్ట్ సినిమాకే హైలైట్ కానుందని టాక్. రవితేజ డ్యూయెల్ రోల్ పోషిస్తున్న ఈ సినిమాలో డింపుల్ హయాతి, మీనాక్షి చౌదరిలు హీరోయిన్లుగా నటిస్తుండగా, దేవిశ్రీప్రసాద్ సంగీతం సమకూర్చనున్నాడు.