పిల్లలు కావాలని అనిపించినప్పుడే పెళ్లి: స్టార్ హీరోయిన్ క్లారిటీ

'ఝుమ్మంది నాదం' సినిమాతో టాలీవుడ్ అరంగేట్రం చేసిన ఈ ఢిల్లీ సుందరి తాప్సీ గురించి ప్రత్యేకంగా పరిచయం అక్కర్లేదు. అమ్మడు టాలీవుడ్ లో హిట్ సినిమాలు చాలానే చేసింది. మిస్టర్ పర్ఫెక్ట్ వీర ఆనందోబ్రహ్మ గంగ నీవెవరో సినిమాలతో పాటు వెంకటేష్ లాంటి పెద్ద స్టార్స్ తో కూడా స్క్రీన్ షేర్ చేసుకుంది. ఇన్ని హిట్స్ ఉన్నప్పటికీ తాప్సీ తెలుగులో కంటే హిందీలోనే మంచి గుర్తింపు దక్కించుకుంది. 2010లో సినీ కెరీర్ ప్రారంభించిన తాప్సి.. పదేళ్లకు 'సాండ్ కి ఆంఖ్' అనే సినిమాతో ఫస్ట్ ఫిల్మ్ ఫేర్ అవార్డు అందుకుంది. బాలీవుడ్ లో బిజీబిజీగా గడుపుతున్న ఈ కర్లీ హెయిర్ బ్యూటీ తన మ్యారేజ్ పై ఇటీవలే నోరువిప్పి ఓ క్లారిటి ఇచ్చింది.

గత కొన్నేళ్లుగా డానిష్ బ్యాడ్మింటన్ ప్లేయర్ మాథియాస్ బోతో తాప్సీ లవ్ మ్యాటర్ వార్తల్లో నిలుస్తూనే ఉంది. అయినప్పటికీ ఇంతకాలం ఈ విషయం గురించి తను ఎలాంటి సీక్రెట్స్ బయట పెట్టకుండా మ్యానేజ్ చేస్తూ వచ్చింది. తాజాగా ఓ మీడియా ఇంటర్వ్యూలో తన పెళ్లి పై స్పందించక తప్పలేదు అంటోంది. జీవితంలో కళ్యాణం వచ్చినా కక్కొచ్చినా ఆగవు అంటారు. అలాగే తన పెళ్లి కూడా అంతే అనుకోకండి అంటోంది. నాకు చేసుకోవాలని అన్పించినప్పుడే చేసుకుంటానని స్ట్రాంగ్ గా చెప్పింది. కానీ తాప్సీ కెరీర్ తో పాటు మ్యారేజ్ విషయంలో కూడా క్లారిటీ ఉన్నట్లు తెలుస్తుంది. మొన్నామధ్యలో పిల్లలు కావాలని ఎప్పుడు అన్పిస్తే అప్పుడే పెళ్లి చేసుకుంటానని షాకిచ్చింది. ఎందుకంటే తాప్సీకి బాయ్ ఫ్రెండ్ ఉన్నాడని దేశం మొత్తం తెలిసిందే.

ఆ విషయంలో దాచడానికి ఏం లేదు. అన్నట్లు నా బాయ్ ఫ్రెండ్ సినిమా ఫీల్డ్ కాదు.. బిజినెస్ మ్యాన్ కాదు. పెళ్లి టైం వచ్చినప్పుడు స్వయంగా చెప్తా.. అప్పటివరకు నా పెళ్లి పై ఎలాంటి రూమర్స్ స్ప్రెడ్ చేయకండి అంటుంది. కానీ తాప్సీ లవర్ బ్యాట్మింటన్ ప్లేయర్ అని ఇదివరకే ఓ ఇంటర్వ్యూలో ఒప్పుకుంది. గతంలో తాప్సికి తన బాయ్ ఫ్రెండ్ తో ఎంగేజ్మెంట్ అయినట్లు వార్తలొచ్చాయి. కానీ అవన్నీ ఫేక్ అంటోంది. పెళ్లికి ఇంకా టైం ఉంది. కేవలం సన్నిహితులు, బంధువుల సమక్షంలో మాత్రమే పెళ్లి చేసుకుంటానని చెప్పుకొస్తుంది. ఇదిలా ఉండగా.. కెరీర్ పరంగా తాప్సీ ప్రస్తుతం సూపర్ ఫామ్ కంటిన్యూ చేస్తోంది. చేతినిండా సినిమాలతో బాలీవుడ్ ఇండస్ట్రీలో మోస్ట్ వాంటెడ్ హీరోయిన్ గా మారుతోంది.