స్నీక్ పీక్: రీల్ బసవతారకం గారు

నందమూరి బాలకృష్ణ-క్రిష్ కాంబినేషన్ లో తెరకెక్కుతున్న ఎన్టీఆర్ బయోపిక్ రెండు భాగాలుగా రిలీజ్ అవుతున్న విషయం తెలిసిందే. ఈ సినిమా ఎన్టీఆర్ సతీమణి బసవతారకం పాత్రలో బాలీవుడ్ నటి విద్యా బాలన్ నటిస్తోంది. ఈ సంగతి అందరికీ తెలిసిందే అయినా ఇప్పటి వరకూ ఆమెకు సంబంధించిన లుక్ బయటకు రాలేదు.

తాజాగా ఈ సినిమాలో బసవతారకం పాత్ర గెటప్ లో ఉన్న విద్యా బాలన్ లుక్ ఒకటి బయటకు వచ్చింది. అచ్చమైన తెలుగింటి అడపడుచులా కట్టు బొట్టు మార్చుకుని బసవతారకమ్మ లాగా మారిపోయింది. మేకప్ విషయంలో పెద్దగా మార్పులేవీ చేయకుండా ఈ పాత్రను సింపుల్ గానే ఉంచేలా క్రిష్ అండ్ టీమ్ డిసైడ్ అయినట్టున్నారు. మరో వైపు ఎన్టీఆర్ సతీమణి ఎప్పుడూ లో ప్రొఫైల్ లోనే ఉండేవారు కాబట్టి ఆమె పాత్ర చిత్రణ గౌరవప్రదంగా ఉండేలా చాలా జాగ్రత్తలు తీసుకున్నారట.

ఎన్టీఆర్ లైఫ్ గురించి తెలుగువారందరికీ చాలా విషయాలు తెలుసు గానీ బసవతారకం గురించి ఏమాత్రం తెలియదు. ఇక ఎన్టీఆర్ - బసవతారకం అనుబంధాన్ని దర్శకుడు క్రిష్ సిల్వర్ స్క్రీన్ పై ఎలా ప్రెజెంట్ చేస్తాడో వేచి చూడాల్సిందే.