పవన్ తో రకులా? అంతలేదు శృతే

ముందుగా ఒకటి అనుకోవడం.. సెట్స్ పైకి వెళ్లేసరికి అంతా మారిపోవడం పవన్ సినిమాలకు చాలా కామన్ అయిపోయింది. ఇప్పటికే తన నెక్ట్స్ మూవీకి డైరెక్టర్ ని మార్చేశాడు. ఎస్ జె సూర్యను తప్పించి డాలీని దర్శకుడుగా తీసుకున్న పవన్.. ఇప్పుడు హీరోయిన్ ని కూడా మార్చాడనే రూమర్స్ మొదలయ్యాయి.

పవన్ తర్వాతి సినిమాలో హీరోయిన్ శృతిహాసన్. ఈ ప్లేస్ లోకి రకుల్ ప్రీత్ సింగ్ వచ్చేసిందనే ప్రచారం జరుగుతోంది. రకుల్ ని ఫైనల్ చేయకపోయినా.. ఇప్పటికే ప్రపోజల్ ని పంపించారన్నది లేటెస్ట్ గాసిప్. శృతి హాసన్ డేట్స్ ఎడ్జస్ట్ చేయలేకపోయిందని.. అందుకే మరో హీరోయిన్ వెతుకుతున్నారనే టాక్ మొదలైంది. అయితే.. ఈ రూమర్స్ అన్నటికీ బ్రేక్ వేశాడు నిర్మాత శరత్ మరార్. 'శృతిహాసన్ హీరోయిన్ గా పవర్ స్టార్ పవన్ కళ్యాణ్ నటిస్తున్న మూవీ షూటింగ్ ఆగస్టులో ప్రారంభం కానుంది. దర్శకుడు డాలీ అండ్ టీమ్ ప్రస్తుతం ప్రీ ప్రొడక్షన్ పనులతో బిజీగా ఉన్నారు' అంటూ అఫీషియల్ గా కన్ఫామ్‌ చేశాడు శరత్ మరార్.

ఇప్పటి వరకూ తన మాజీ వైఫ్ రేణూ దేశాయ్ ని తప్ప పవన్ ఏ హీరోయిన్ నీ రిపీట్ చేయలేదు. శృతి హాసన్ కి మాత్రం ఈ రెండో ఛాన్స్ ఇస్తుండడం విశేషం. వీళ్లిద్దరి కాంబినేషన్ లో నాలుగేళ్ల క్రితం వచ్చిన గబ్బర్ సింగ్.. అటు పవన్ ఫ్యాన్స్ ఆకలినే కాదు.. ఇటు హిట్ కోసం శృతిహాసన్ ఎదురుచూపులకు కూడా బ్రేక్ వేసి.. టాప్ హీరోయిన్ ని చేసింది.