ప్రకాష్ రాజ్ మళ్లీ పండించేస్తాడా?

ఈ మధ్య చాలా సినిమాల్లో విభిన్న పాత్రలతో రావు రమేష్ తెగ ఆకట్టుకుంటున్నాడు. ఇలాంటి రోల్స్ అన్నీ గతంలో ప్రకాష్ రాజ్ కి మాత్రమే దక్కేవి. అయితే.. చాలామంది నిర్మాతలు, దర్శకులు రావు రమేష్ వైపు మొగ్గినా.. నిర్మాత దిల్ రాజు మాత్రం ప్రకాష్ రాజ్ ని పట్టుపట్టి తన సినిమాలోకి తీసుకున్నాడు.

దిల్ రాజు- ప్రకాష్ రాజ్ ల కాంబినేషన్ లో బొమ్మరిల్లు - పరుగు - సీతమ్మ వాకిట్లో సిరిమల్లె చెట్టు లాంటి సినిమాలొచ్చాయి. ఇప్పుడు శర్వానంద్ హీరో దిల్ రాజు నిర్మిస్తున్న శతమానం భవతిలో ప్రకాష్ రాజ్ కు ఓ విభిన్నమైన పాత్రను ఆఫర్ చేశాడట దర్శకుడు సతీష్ వేగ్నేశ. ఈ పాత్ర తీరు తెన్నులు విన్న తర్వాత.. వెంటనే ఈ రోల్ చేసేందుకు ప్రకాష్ రాజ్ అంగీకరించినట్లు తెలుస్తోంది. ప్రస్తుతం మన వూరి రామాయణంను డైరెక్ట్ చేస్తున్నాడు ప్రకాష్ రాజ్. దీంతో పాటు పలు ఛారిటీ కార్యక్రమాల్లో కూడా పాల్గొంటున్నాడు.

శతమానం భవతిలో హీరోయిన్ గా నటిస్తున్న అనుపమా పరమేశ్వరన్ తండ్రిగా ప్రకాష్ రాజ్ పోషించనున్న పాత్ర సినిమాకి హైలైట్ కానుందని తెలుస్తోంది. హీరో శర్వానంద్- ప్రకాష్ రాజ్ ల మధ్య నడిచే సన్నివేశాలు సినిమాకి కీలకంగా ఉంటాయని టాక్‌. అది సంగతి.