దుష్యంతుడు అక్క‌ణ్నుంచి.. ప్రియంవ‌ద ఇక్కణ్నుంచి!

గుణ‌శేఖ‌ర్ ప్రతిష్టాత్మ‌కంగా తెర‌కెక్కిస్తున్న చిత్రం ‘శాకుంతలం’. మహాభారత ఆదిపర్వం నుంచి అందమైన ప్రేమకథను ఆవిష్క‌రించ‌డానికి సిద్ధ‌మైన ఆయ‌న‌.. క‌థ మొదలు న‌టీన‌టుల ఎంపిక వ‌ర‌కు ఎన్నో జాగ్ర‌త్త‌లు తీసుకుంటున్నారు.

టైటిల్ పాత్ర‌ధారి శ‌కుంత‌ల కోసం సౌత్ మొత్తాన్ని జ‌ల్లెడ ప‌ట్టారు. ఆ త‌ర్వాత స‌మంత‌ను ఫైన‌ల్ చేశారు. అయితే.. ఒరిజిన‌ల్ క‌థ ప్ర‌కారం శకుంత‌ల‌తో దుష్యంతుడి రొమాన్స్ ఓ రేంజ్ లో ఉంటుంది. మ‌రి, సినిమాలో గుణ‌శేఖ‌ర్ ఎలా చూపించ‌బోతున్నాడో తెలియ‌దుగానీ.. స‌మంత శ‌కుంత‌ల‌గా న‌టిస్తోంద‌న‌గానే.. దుష్యంతుడు ఎవ‌ర‌నే ఆస‌క్తి ఎక్కువైంది.

ఈ పాత్ర‌కోస‌మూ అంద‌రినీ ప‌రిశీలించిన ద‌ర్శ‌కుడు.. చివ‌ర‌కు మ‌ల‌యాళ న‌టుడు దేవ్ మోహ‌న్ ను ఫిక్స్ చేశారు. ఈ మ‌ధ్య‌నే ఆయ‌న సెట్స్ లో అడుగు పెట్టారు. షూటింగ్ వేగంగా జ‌రుగుతోంది. ఇప్పుడు లేటెస్ట్ అప్డేట్ ఏమంటే.. ఈ సినిమాలో శ‌కుంత‌ల ఇష్ట‌స‌ఖి పాత్ర కూడా ఉంది. ఆ పాత్ర పేరు ప్రియంవ‌ద‌. ఈ క్యారెక్ట‌ర్ కూడా కీల‌కం కావ‌డంతో.. మ‌ళ్లీ సెర్చింగ్ మొద‌లు పెట్టి, చివ‌ర‌కు కోలీవుడ్ లో ఆగార‌ని టాక్‌.

త‌మిళ‌న‌టి అదితి బాల‌న్ ను ఈ పాత్ర‌లో తీసుకుంటున్నార‌ని స‌మాచారం. మ‌రి, ఇందులో నిజం ఎంత అన్న‌ది యూనిట్ అధికారికంగా ప్ర‌క‌టించే వ‌ర‌కు తెలియ‌దు. మొత్తానికి న‌టీన‌టుల ఎంపిక‌లోనే ఇలా ఆచితూచి వ్య‌వ‌హ‌రిస్తున్న గుణ‌శేఖ‌ర్‌.. సినిమాను ఎలా తెర‌కెక్కిస్తారో చూడాలి.