మరో రీమేక్ లో అడివి శేష్

'క్షణం'.. 'గూఢచారి' లాంటి విభిన్నమైన చిత్రాలతో హిట్స్ సాధించి విమర్శకులనే కాకుండా టాలీవుడ్ సెలెబ్రిటీల ప్రశంసలు కూడా అందుకున్న అడివి శేష్ ఫ్యూచర్ ప్రాజెక్టుల పై ఇప్పుడు ప్రేక్షకుల్లో భారీ ఆసక్తి వ్యక్తం అవుతోంది. శేష్ ఇప్పటికే హిందీ సూపర్ హిట్ సినిమా '2 స్టేట్స్' తెలుగు రీమేక్ లో నటిస్తున్నాడు. రీసెంట్ గా తన పుట్టినరోజు సందర్భంగా 'గూఢచారి' సినిమా సీక్వెల్ ను ప్రకటించాడు.

ఇదిలా ఉంటే తాజాగా శేష్ మరో సినిమాకు సంబంధించిన అప్డేట్ బయటకు వచ్చింది. పీవీపీ సినిమా బ్యానర్ లో శేష్ ఒక సినిమా చేస్తాడని గతంలోనే ప్రకటించిన విషయం తెలిసిందే. ఆ సినిమా షూటింగ్ ఇప్పటికే స్టార్ట్ చేసి సైలెంట్ గా రెండు షెడ్యూల్స్ కంప్లీట్ చేశారట. రాంజీ దర్శకత్వంలో తెరకెక్కుతున్న ఈ సినిమాలో శేష్ సరసన లావణ్య త్రిపాఠి హీరోయిన్ గా నటిస్తోంది.

ఈ సినిమా స్పానిష్ భాషలో హిట్ అయిన క్రైమ్ థ్రిల్లర్ 'ది ఇన్విజిబుల్ గెస్ట్' కు రీమేక్ గా తెరకెక్కుతోందట. ఈ సినిమాలో శేష్ తన మాజీ ప్రేయసి హత్య కేసులో నిందితుడైన ఒక బిజినెస్ మాగ్నెట్ పాత్రలో నటిస్తాడని సమాచారం. ఈ సినిమాకు సంబంధించిన ఇతర వివరాలను త్వరలోనే వెల్లడిస్తారట.