సెల్వ రాఘవన్.. మరో సెన్సేషనల్ మూవీ

తమిళ దర్శకుడు సెల్వ రాఘవన్ సినిమాలన్నీ చాలా విభిన్నంగా ఉంటాయి. ఆయన సినిమాలంటే అదో రకం. 7/జి బృందావన కాలనీ.. ఆడువారి మాటలకు అర్థాలే వేరులే లాంటి సినిమాలతో తెలుగు ప్రేక్షకుల్ని కూడా బాగానే ఆకట్టుకున్నాడు సెల్వరాఘవన్. ప్రస్తుతం సూర్య కథానాయకుడిగా ఓ హార్రర్ థ్రిల్లర్ చేస్తున్నాడు సెల్వ. అది త్వరలోనే విడుదలకు సిద్ధమవుతోంది. ఆ చిత్రం కూడా తెలుగులోకి అనువాదమయ్యే అవకాశాలుున్నాయి. మరోవైపు ఈ మధ్యే స్టార్ హీరో సూర్యతో ఓ సినిమాను అనౌన్స్ చేసి ఆసక్తి రేకెత్తించాడు సెల్వ. ఐతే ప్రస్తుతం విఘ్నేష్ శివన్ దర్శకత్వంలో ఓ సినిమా చేస్తున్న సూర్య.. సెల్వ సినిమాను మొదలుపెట్టడానికి సమయం పట్టేట్లుంది.

ఈ లోపు మరో సెన్సేషనల్ కాంబినేషన్లో సినిమా చేయబోతున్నాడు సెల్వ రాఘవన్. అతడి కొత్త సినిమాలో కమెడియన్ టర్న్డ్ హీరో సంతానం కథానాయకుడు కావడం విశేషం. కామెడీ వేషాలు వేసుకుంటూ ఉన్నట్లుండి హీరోగా టర్న్ తీసుకున్న సంతానం కథానాయకుడిగా కూడా కామెడీ సినిమాలే చేస్తూ వచ్చాడు. అలాంటి వాడు.. సెల్వ రాఘవన్ లాంటి సీరియస్ డైరెక్టర్ తో సినిమా చేయడం ఆశ్చర్యం కలిగించే విషయమే. ఇది సెల్వ స్టయిల్లో సీరియస్ గా సాగే సినిమానేనట. ఆల్రెడీ ఈ చిత్రం సెట్స్ మీదికి వెళ్లిపోవడం విశేషం. ఈ కాంబినేషన్ కోలీవుడ్లో విపరీతమైన ఆసక్తి రేకెత్తిస్తోంది. వచ్చే ఏడాది వేసవికి ఈ చిత్రం ప్రేక్షకుల ముందుకొస్తుంది. సంతానం సరసన ఓ కొత్తమ్మాయి ఇందులో కథానాయికగా నటిస్తోంది.

Like Us on Facebook : https://www.facebook.com/Tupakidotcom/