సర్దార్ భామల బాధలు అన్నీ ఇన్నీ కావయా

పవర్ పవన్ కళ్యాణ్ మూవీలో నటించే ఛాన్స్ రావడం అంటే.. హీరోయిన్స్ కి బంపర్ ఆఫర్ వచ్చినట్లే. టాలీవుడ్ చందమామ కాజల్ టాప్ రేంజ్ కి ఎదిగినా, పవన్ తో ఛాన్స్ అందుకోవడానికి ఇన్నేళ్ల సమయం పట్టింది. అలాగే ఈ సినిమాతో పవన్ సినిమాలో మరో ఇద్దరు భామలు కనిపించారు. లక్ష్మీరాయ్ - సంజనలు.. సర్దార్ లో నటించారు. ఈ మూవీతో తమ కెరీర్ కి బూస్టప్ వస్తుందని చాలానే ఆశలు పెట్టుకున్నారు.

మొదటగా ఐటెం గాళ్ గా నటించిన లక్ష్మీ రాయ్ కి అయితే.. సినిమాలో ఓ కీలక రోల్ కూడా ఉంటుందన్నారు. కానీ సర్దార్ లో ఐటెం సాంగ్ తప్ప మరేం లేదు. అది కూడా పవన్ గత చిత్రాల ఐటెం సాంగ్స్ తో పోలిస్తే దిగదుడుపే. ఈ పాత్రతో లక్ష్మీరాయ్ కు దక్కినదేమీ లేదు. ఇక బుజ్జిగాడు సంజన బాధ అయితే మరీ దారుణం. మూవీలో విలన్ కి భార్యగా కీలక రోల్ చేసినా.. సర్దార్ మొత్తంలో సంజనకు ఉండేది ఒకే ఒక్క డైలాగ్. ఈ పాత్రతో సంజనకు కలిసొచ్చేది కానీ, ఆఫర్లు తెచ్చిపెట్టేసేంతటి పెర్ఫామెన్స్ కు అవకాశం ఉన్న రోల్ కానీ కాదు.

సర్దార్ గబ్బర్ సింగ్ లో ఆఫర్ రాగానే కెవ్వు కేక అనుంకుంటూ ఫ్యూచర్ పై ఎన్నో ఆశలు పెట్టుకున్న ఈ ఇద్దరు భామలూ ఇప్పుడు లబోదిబోమనాల్సిన పరిస్థితి తలెత్తింది. సినిమాకే టాక్ అన్ని రకాలుగా ఉంటే.. వీళ్ల కేరక్టర్లని పట్టించుకునే పరిస్థితి ఎవరికీ లేదు. సర్దార్ గబ్బర్ సింగ్ చేయడం కారణం వీళ్లకు దక్కిన ప్రయోజనం ఏం లేదని చెప్పాల్సిందే.