అల్లుడు శీనుకు జోడీగా అక్కినేని కోడలు?

బెల్లంకొండ శ్రీనివాస్ జోరు మామూలుగా లేదు. తన కెరీర్లో ఇప్పటివరకూ ఒక్క సాలిడ్ హిట్ కూడా రాలేదుగానీ ప్రాజెక్టులు మాత్రం ఒకదాని తర్వాత సెట్ చేసుకుంటూ వెళ్తున్నాడు. ప్రస్తుతం ఈ యువ హీరో తేజ దర్శకత్వంలో 'సీత' సినిమాలో నటిస్తున్నాడు. ఈ సినిమా తర్వాత 'RX100' తో సంచలనం సృష్టించిన అజయ్ భూపతి దర్శకత్వంలో ఒక క్రేజీ ప్రాజెక్ట్ సెట్ చేసుకున్నాడు.

ఈ సినిమాను నిర్మించేందుకు ఒక ప్రముఖ నిర్మాణ సంస్థ ముందుకొచ్చిందట. ఈ సినిమాలో హీరోయిన్ గా సమంతాను తీసుకుందామని ప్లాన్ చేస్తున్నారట. ఇప్పటికే ఆ దిశగా చర్చలు సాగుతున్నాయని.. సమంతా కూడా సినిమాకు దాదాపుగా గ్రీన్ సిగ్నల్ ఇచ్చినట్టేనని సమాచారం. బెల్లంకొండ శ్రీనివాస్ డెబ్యూ సినిమా 'అల్లుడు శీను' లో సమంతానే హీరోయిన్ గా నటించింది. ఈ సినిమాలో మరోసారి 'అల్లుడు శీను' జోడీ రిపీట్ అవుతుందన్నమాట.

బెల్లంకొండ శ్రీనివాస్ తన మొదటి సినిమా నుండి ఇప్పటివరకూ దాదాపుగా టాప్ హీరోయిన్లతోనే నటించాడు. సమంతా.. కాజల్ అగర్వాల్.. తమన్నా..ఇలా దాదాపు అందరితో నటించిన శ్రీనివాస్ ఇప్పుడు మరోసారి సమంతాతో నటించేందుకు రెడీ అవుతుండడం విశేషం. సమంతా ఎంట్రీతో ఈ సినిమా మరింత క్రేజీగా మారుతుందనడంలో ఏమాత్రం సందేహం లేదు.