'ఆ' రెస్టారెంట్ ను ఆరంభిస్తున్న 'అ'

అ..ఆ.. మూవీలో ఆనంద్ విహారిగా అలరించిన యంగ్ హీరో నితిన్.. ఇప్పటికే పలు సినిమా సంబంధిత వ్యాపారాలు నిర్వహిస్తున్నాడు. సొంత ప్రొడక్షన్ హౌస్ ఉండగా.. డిస్ట్రిబ్యూషన్ వ్యాపారం కూడా మనోడికి కొట్టిన పిండే. ఇప్పుడు సినిమాకి సంబంధం లేని ఓ కొత్త వ్యాపారం మొదలుపెడుతున్నాడు నితిన్.

డిజైనర్ నీరజ కోన.. ఆమె భర్తతో సహా సహా పలువురు స్నేహితులతో 'టీ-గ్రిల్' అనే పేరుతో రెస్టారెంట్ ఆరంభిస్తున్న సంగతి తెలిసింది. దీనికి అర్ధం టాలీవుడ్ గ్రిల్ అని కూడా ఓ సారి చెప్పారు ఓనర్స్. ఇప్పుడీ రెస్టారెంట్ ప్రారంభానికి అ..ఆ..లో తనకు జోడీగా నటించిన అనసూయా రామలింగం పాత్రధారి సమంతను తెచ్చుకుంటున్నాడు నితిన్. హైద్రాబాద్ లోని మాదాపూర్ లో ఇవాళే ఈ రెస్టారెంట్ గ్రాండ్ ఓపెనింగ్ జరగనుంది.

సమంత చేతుల మీదుగా టీ గ్రిల్ ఆరంభం కానున్నా.. ఇంకా అనేక మంది సినీ స్టార్లు..సెలబ్రిటీలు.. ఈ కార్యక్రమంలో పాలు పంచుకోనున్నారు. టీ గ్రిల్ లో టేస్ట్ చేయనున్నారు. అయితే.. తనే ఓ స్టార్ రేంజ్ ఉన్న హీరో అయినా.. తను ప్రారంభించే రెస్టారెంట్ కి మరో స్టార్ హీరోయిన్ ని తెచ్చుకోవడం.. నితిన్ కే చెల్లింది.

Like Us on Facebook : https://www.facebook.com/Tupakidotcom/